Меню сайта

Наш опрос
Оцените мой сайт
Всего ответов: 5

Статистика

Онлайн всего: 1
Гостей: 1
Пользователей: 0

Главная

Регистрация

Вход
Приветствую Вас Гость | RSS


МБ ДОУ ЦРР ДЕТСКИЙ САД №8 "САРДААНА"


Среда, 17.07.2019, 11:48
[ Добавить материал ]
  • Ыам ыйын 6-7 күннэригэр биһиги детсад базатыгар улуустааҕы «Бастыҥ иитээччи 2019» күрэх буолан ааста. Күрэххэ биһиги улуус бастыҥ алта иитээччилэрэ күөн көрүстүлэр: «Сардаана», «Кырачаан ымыылар», «Родничок», «Олоҥхо кэскилэ» (Бердигестях), «Колокольчик» (Мытаах), «Ромашка» (Ерт). Биһиги детсадтан 20 сыл педстажтаах иитээччи Семенова Н.И. кытынна. Күрэх 2 кун устата буолла, ол курдук заочнай уонна очнай этаптарынан ыытылынна. Түмүккэ «Бастыҥ иитээччи 2019» үрдүк ааты Мытаах иитээччитэ Егорова Н.А. ылла, заочнай этап кыайыылааҕынан Семенова Н.И. буолла, «Творческий педагог» номинация ананна «Кырачаан ымыылар» иитээччитигэр Софронеева А.П.
  • Ыам ыйын 8 күнүгэр биһиги детсадка үгэскэ кубулуйбут Улуу Кыайыы күнүгэр аналлаах хоһооммут күрэҕэ ыытылынна. Күрэххэ оҕолор хоһоон тылын нойосуус билэллэрин, хомоҕойдук аа5алларын, күрэх тематыгар анал көстүүмнээхтэрэ сыаналанна. Түмүккэ кыра бөлөххө кыайыылааҕынан Алексеев Тимур, улахан бөлөххө Антонов Алеша буоллулар.
  • Ыам ыйын 17 күнүгэр биһиги педагогтарбыт Спиридонова М.Р., Тимофеева В.И. «Туллукчаан» детсад (Дьокуускай куорат) омук тылыгар оҕону уһуйар үлэлэрин опытын көрөн-истэн, туһалааҕы билэн, опыт атастаһан кэллилэр.
  • Ыам ыйын 17 күнүгэр «Сайдыс» төрөппүт кулуубун быйылгы үөрэх дьылыгар бутэһик дьарыга «Оскуолаҕа барарга бэлэммит дуо?» диэн темаҕа буолла.Манна алын кылаас оскуолатын элбэх сыл уопуттаах учууталлара Стручкова В.А., Романова Е.И., Васильева А.Е. теөрөппүттэргэ сөптөөх сүбэ-ама биэрдилэр, экспресс тест ыытан төрөппут бэйэтэ уонна оҕото оскуолаҕа бэлэммин быһаарарыгар көмөлөстүлэр. Ону таһынан сыл бастыҥ үөрэнээччилэрин эҕэрдэ нүөмэрдэрин көрдүлэр (учуутал Васильева А.Е.).
  • Ыам ыйын 18 күнүгэр «Веселая гимнастика» иитиллээччилэрэ (салайааччы Яковлева С.И., Дунаева Р.Е.) республиканскай «Весна в кроссовках» спортивнай хореография күрэҕэр кыттан «Танец с предметами» номинация5а 1 миэстэ, «Бэби кап» категория5а 1 миэстэ буолан улахан ситиһиилэнэн кэллилэр. Уонна жюри председателын анал бирииһин ылар чиэстэннилэр.
  • Ыам ыйын 20 күнүгэр Горнайдааҕы ГИБДД үлэһиттэрэ оҕолорго профилактическай сааскы бэсиэдэ ыыттылар, суолга сэрэхтээх буолуу туһунан өйдөттүлэр.
  • Ыам ыйын 24 күнүгэр «Быраһаай детсад» бырааһынньык буолла. Быйыл оскуолаҕа 32 оҕону атаардыбыт. Бу күн үгэс курдук саамай актыыбынай төрөппуттэри, бастыҥ көрдөрүүлээх, ситиһиилээх оҕолору чиэстээтибит, хас биирдии оҕоҕо анал ааттар, өйдөбүнньүк бэлэхтэр туттарылыннылар.
  • Ыам ыйын 28 күнүгэр отчуотнай концерт төрөппүттэр иннилэригэр тэрилиннэ. Манна сыллааҕы үлэҕэ түмүгэ таҕыста.
  • Бэс ыйын 1 күнүгэр оскуола иннинээҕи саастаах оҕолорго ыытыллыбыт комплекснай спартакиада 2 этабыгар биһиги детсад оҕолорун командата бастакы миэстэни ылла (эстафета).  Манна физинструктор Яковлева С.И., иитээччи Дунаева Р.Е. таһаарыылаах, ситимнээх үлэлэрин түмүгэ, Васильев А.П. күүстээх көмөтө, профессиональнай сүбэтэ көһүннэ.
  • Бэс ыйын 1 күнүгэр Оҕо күнүгэр аналлаах «Сир симэҕэ» кырачаан кыргыттар күрэхтэригэр биһиги детсадтан Прокопьева Сайаана уонна Алексеева Алиссия кытыннылар. 5 этаптаах күрэх түмүгүнэн Прокопьева Сайаана кыайыылааҕынан буолла.
Просмотров: 2 | Добавил: saina | Дата: 06.07.2019 | Комментарии (0)

  • Муус устар 2 күнүгэр детсад үлэтин республикаҕа тар5атар сыаллаах «Профессиональное развитие педагога, как условие повышения качества ДОУ» диэн авторскай семинар ыытылынна. Уопсайа 60ча педагог Уус-Алдан, Кэбээйи, Ньурба, Нам, Горнай уонна Дьокуускай куораттан кэлэн аһаҕас дьарыктары, бастыҥ педагогтар мастер-класстарын, үлэ опытын көрдүлэр-иһиттилэр.
  • Бу күн детсадпыт многофункциональнай киинэ үөрүүлээх быһыыга-майгыга арылынна. Кииҥҥэ оҕо бары өттүнэн сайдарыгар сөптөөх эйгэ баар буолла, ол курдук, Саха Сирин бастакы президенэ М.Е. Николаев ыйбыт сүрүн хайысхалара: уруһуй, саахымат, конструирование о.д.а.  оҕо бэйэтэ сөбүлээн талан дьарыктанарыгар элбэх усулуобуйа тэрилиннэ.
  • Муус устар 11 күнүгэр улуустаа5ы оскуола иннинээҕи саастаах оҕолорго спартакиада 1 этаба буолла. Күн бастакы аҥарыгар оҕолор оҕунан ытыыга уонна наарта ойууга күрэхтэстилэр. Манна уопсай түмүгүнэн детсадпыт командата 1 миэстэни ылары ситистэ. Күн иккис аҥарыгар сахалыы  остуол оонньууларыгар биһиги детсад оҕолорун хамаандата эмиэ 1 миэстэни ылан үөрүүбүт үрдээтэ. Бу детсадпыт куруук тэрийэн ыытар күрэҕэр оҕолору бэлэмнээбит педагогтар Яковлева С.И., Дунаева Р.Е., Оленова Н.К. уонна Белолюбскай Дь.Е., Барашкова Е.И., Иванова Н.Н. дьаныардаах, ситимнээх үлэлэрэ көьүннэ уонна дакаастанна.
  • Муус устар 12 күнүгэр С.А.Зверев – Кыыл уола  аатынан уҥкуу театрын артыыстара Театр сылын чэрчитинэн оҕолорго «Три поросенка» остуоруйаны кэлэн көрдөрдүлэр. Оҕолор остуоруйаны олус кэрэхсээн-сэргээн көрдүлэр. Артыыстар үрдук таһымнарын көрөн үөрдүбүт, астынныбыт.
  • Муус устар 16 күнүгэр Сомоҕолоһуу сылын чэрчитинэн «Родничок», «Олоҥхо Кэскилэ» холбоһуктаах аһымал кэнсиэргэ актыыбынай кыттыыны ыллыбыт. Киирбит үп «Крепыш» детсад ремонугар көмө5е ананна.
  • Муус устар 19 күнүгэр улахан бөлөх оҕолоро кинигэҕэ тапталы, интириэһи үөскэтэр сыаллаах оҕо библиотекатыгар экскурсияҕа сырыттылар.
  • Бу күн «Сайдыс» төрөппүт кулуубун дьарыга буолла. Кэлбит төрөппүттэргэ теоретическай чааһыгар оонньуу улахан суолтатын туһунан психолог Алексеева М.И. иһитиннэрдэ, логопед Санникова А.В. практическай оонньуулары төрөппүттэри кытта оонньоон көрдөрдө. Ону таһынан билингвальнай детсад  буоларбыт быһыытынан иитиллээччилэр музыкальнай номердары көрдөрдүлэр.
  • Муус устар ыйга «Родничок» детсад тэрийэн ыыппыт «Открываем театральный сезон» улуус таһымнаах  заочнай күрэххэ детсаппыт оҕолорун «Три поросенка» остуоруйалара кыттан 2 миэстэни ылла (салайааччылар Спиридонова М.Р., Тимофеева В.И.)
  • Муус устар 22-23 күннэригэр «Прощай батарейка» акция детсад оҕолоругар уонна үлэһиттэригэр ананан ыытылынна. Туттуллан бүппүт батарейка буортутун оҕолорго өйдөтөр сыаллаах, уонна сир күнүгэр ананан тэрилиннэ. Бу кун Аан дойдутааҕы Сир күнүн чэрчитинэн Горнайдааҕы лесхоз инспектора Алексеева И.Н. оҕолорго «Батарейка айылҕаҕа буортута» диэн үөрэтэр-билиһиннэрэр бэсиэдэ ыытта.
  • Муус устар 24 күнүгэр Васильев А.П. бирииһигэр уонна кини күҕулээһининэн детсад иһинээҕи дуобат  күрэҕэ ыытылынна. Манна улахан уонна бэлэмнэнии бөлөх оҕолоро кытыннылар. Улахан бөлөххө  Саввин Сандал 1 миэстэ, Кокорев Никита 2м.,  Бурнашев Саян 3 м. буоллулар. Бэлэмнэнии бөлөх оҕолорун ортолоругар уолаттарга: 1 м Антонов Алеша, 2м. Санников Стасик, 3 м. Парников Лев, кыргыттарга: 1м. Захарова Кристина, 2м. Алексеева Алиссия, 3м Иннокентьева Лиана ыллылар
  • Муус устар 24 күнүгэр улуустаа5ы «Бастыҥ родкомитет» курэҕэр биһиги детсад родсовета ситиһиилээхтик кыттан «Лучшее портфолио родсовета» номинацияҕа тигистэ уонна «Прогресс» маҕаһыынтан анал бириис тутта.
  • Муус устар 25 күнүгэр Аан дойдутааҕы Сир күнүгэр анаммыт «Айылҕа доҕотторо» улуснай олимпиада5а бэлэмнэнии бөлөх иитиллээччитэ Колесова Сияна кыттан 2 степеннээх диплому ылла.
  • Муус устар 26 күнүгэр детсад иһинэн ыытыллыбыт  «Лучший долгосрочный проект» күрэххэ 1 миэстэни «Дьэдьэннэр» улахан бөлөх (иитээччилэр Спиридонова М.Р., Оленова Н.К.) проект аата «Куклы народов мира», 2 миэстэни
  • «Чэмэлиидэ» орто бөлөх (иитээччилэр Аргунова А.М., Сидорова В.П.) проект «Мир пазлов», 3 миэстэни  «Чуораанчык» бэлэмнэнии бөлөх (иитээччилэр Дунаева Р.Е., Оленова Н.К.) «Коллекция ручек» ыллылар.
  • Муус устарга детсадпыт биир бастыҥ илиитигэр дьҕурдаах педагога -логопед Санникова А.В. 11 республикатааҕы «Лоскутная мозаика Якутии» диэн выставкаҕа ситиһиилээхтик кыттан «За инновации в шитье» диэн дипломунан наҕараадаланна уонна үлэлэрэ салгыы Иваново куоракка выставкаҕа айаннаатылар.
  • «Дьэдьэннэр» улахан бөлөх иитиллээччитэ Кривошапкина Эрика Григорий Даниловка анаммыт Республикатааҕы бастакы интерактивнай заочнай хоһоон ааҕыытын күрэҕэр Лауреат 1 степени буолла.
Просмотров: 2 | Добавил: saina | Дата: 06.07.2019 | Комментарии (0)

  • Олунньу 4 күнугэр биһиги детсад тэрийбит «Счастливое детство» улуус таһымнаах уруһуй күрэҕэ түмүктэннэ. Бастакы миэстэни «Олоҥхо Кэскилэ» детсад иитиллээччитэ Иванова Вика, иккис миэстэни Захаров Ильмар («Родничок» детсад), Артамонов Леня («Кырачаан ымыылар» детсад) ыллылар. «Приз зрительских симпатий» номинация Мордовская Айыынаҕа («Олоҥхо кэскилэ» детсад) тигистэ
  • Олунньу 5 күнүгэр сыл аайы бэлиэтиирбит курдук детсадпыт төрөөбүт күнүн тэрийдибит. Оҕо сылын чэрчитинэн «Мин таптыыр детсадым» диэн уруһуй выставката оҥоһулунна, оҕолорго көрдөөх-нардаах оонньуулары-күрэхтэри детсадпыт талааннаах артыыстара-клоуннара ыыттылар, хас биирдии группаҕа минньигэс астаах повардарбыт тортары астаан күндүлээтилэр.
  • Олунньу 12 күнүгэр Февральскай семинар чэрчитинэн биһиги детсад базатыгар улуус таһымнаах семинар-практикум детсад физинструктордарыгар ананан ыытылынна. Биһиги детсад физинструктора Яковлева С.И. сахалыы хамсаныылаах оонньууларга мастер-класс көрдөрдө. Ону таһынан сахалыы остуол оонньууларыгар республика хас да төгүллээх чемпионнара Барашкова Е.И., Иванова Н.Н. бэйэлэрин сатабылларын көрдөрдүлэр, оонньуу быраабылатын быһааран өйдөттүлэр.
  • Олунньу15 күнүгэр «Великобритания – великая страна» диэн үлэһиттэр ортолоругар ыытыллыбыт акция түмүктэннэ. Акция түмүгүнэн 5700 рб киирдэ уонна «Дьэдьэннэр» английскай группа сайдар эйгэтин хаҥатыыга ананан иитээччигэ Спиридонова М.Р. туттарылынна.
  • Олунньу 18 күнүгэр Театр сылын көрсө Бэрдьигэстээх оҕо искусствотын оскуолатын театральнай кылааһын оҕолоро (салайааччы Мартынов К.Д.)  «Доктор Айболит» остуоруйаны кырачаан оҕолорбутугар көрдөрдүлэр. Көрөөччүлэр олус сэргээн-кэрэхсээн көрдүлэр, үөрдүлэр-көттүлэр.
  • Олунньу 21 күнүгэр аҕа дойду көмүскээччилэрин күнүгэр анаммыт үгэскэ кубулуйбут строевой маршировка ыытылынна. Манна үс улахан бөлөх оҕолоро кыттыыны ыллылар. Бары тэҥҥэ биир киһи курдук хаамаллара, таҥастара-саптара тэҥэ биһиги иитээччилэрбит, төрөппүттэр ыкса ситимнээхтик үлэлииллэрин көрдөрдө.
  • Олунньу 22 күнүгэр кыра уонна орто бөлөхтөргө бырааһынньыктааҕы тэрээһиннэр ыытылыннылар. Ол курдук, кырачааннар эҕэрдэ концердара, орто бөлөххө «Пиратский квест в поисках сокровища» күрэх о.д.а. интириэһинэйдик аастылар.
  • Олунньу 26 күнүгэр Кэптин бөһүөлэгэр ыытыллыбыт Республиканскай военно-патриотическай күрэххэ биһиги детсад о5олорун командата кыттан 1 миэстэни ыллылар уонна «Бастыҥ военнай форма» номинация хаһаайыттара буоллулар. Күрэххэ оҕолору бэлэмнээн уонна салайан илдьэ сырыттылар физинструктор Яковлева С.И., иитээччи Дунаева Р.Е.
  • Кулун тутар 12-14 күннэригэр детсадпыт психолога Алексеева М.И., иитээччи Семенова Н.И. Дьокуускай куоракка ыытыллыбыт оскуола иннинээҕи үөрэхтээһин үлэһиттэрин Форумугар сылдьар үрдук чиэскэ тигистилэр.
  • Кулун тутар 14 күнүгэр үгэскэ кубулуйбут Үруҥ Уолан күрэх детсад бэлэмнэнии бөлөх уолаттарыгар ыытылынна.  Манна кыайыылааҕынан Айсан Протопопов буолла.
  • Уолаттар эт-хаан өттунэн кыахтаахтарын, тулуурдаахтарын көрдөрдүлэр.
  • Кулун тутар 15 күнүгэр «Веселая гимнастика» кыргыттара (салайааччылар Яковлева С.И., Дунаева Р.Е.) улуустааҕы «Танцует Горный-2019» күрэххэ кыттан 1кы степеннээх Лауреат  уонна «Зрительская симпатия» номинация хаһаайыттара буоллуллар.
  • Кулун тутар 19 күнүгэр детсад бэлэмнэнии бөлөх кэрэ кыргыттарыгар «Сардаана Куо 2019» күрэх ыытылынна. Кырачаан кыргыттар талааннарын, сыанаҕа чэпчэкитик тутта-хапта сылдьалларын  көрдөрөллөрүн таһынан, ыйытыктарга эппиэттээтилэр. Түмүккэ «Сардаана Куо 2019» үрдүк ааты Алексеева Алиссия, «Кэрэчээнэ Куо» - Егорова Дайаана, «Мичийээнэ Куо» - Степанова Дарина, «Талаана Куо» - Колесова Сияна ыллылар.

 

 

 

Просмотров: 4 | Добавил: saina | Дата: 25.06.2019 | Комментарии (0)

  • Тохсунньу 12-13 күннэригэр Горнай уонна Бүлүү бѳлѳх улуустарга нуучча дуобатын турнирыгар «Автордорожник» кубога оонньонно. Манна биҺиги детсад бэлэмнэнии бѳлѳх иитиллээччитэ Захарова Кристина 1 миэстэни 2011с кыргыттарга бастаата. Онтон салгыы Республикаҕа сүүс харахтаах дуобат күрэҕэр кыттан 3 миэстэ буолла.

  • Тохсунньу 14 - 18 күннэригэр «Неделя безопасности» ыытылынна. Бу нэдиэлэ устата сэрэхтээх буоларга оҕолорго үѳрэтэр бэсиэдэлэр, кэпсэтиилэр, викториналар ыытылыннылар. Ол курдук нэдиэлэ чэрчитинэн «Осторожно огонь!», «Соблюдаем правила дорожного движения» диэн темаларга уруҺуй күрэхтэрэ ыытылыннылар. Суол быраабылатын үлэҺиттэрэ оҕолорго профилактическай беседалары ыыттылар, уруҺуй күрэҕин кыайыылаахтарын быҺааран бэйэлэрин сэмэй бэлэхтэрин туттардылар. Тохсунньу 15 күнүгэр «Сайдыс» хаҺыат 59№ 156 экземплярынан консультативнай пуун уонна детсадпыт тѳрѳппүттэригэр ананан таҕыста. Темата «Специалист сүбэтэ».
  • Тохсунньу 19 күнүгэр детсад алта педагога «Новые возможности программы «От рождения до школы»» үѳрэтэр семинарга сылдьан билиилэрин-кѳрүүлэрин хаңаттылар, «Прометейчик» детсад үлэтин кѳрѳн – билсэн сэргээтибит.
  • Тохсунньу 21-25 күннэригэр «Неделя английского языка» тэриллэн ыытылынна. Бу нэдиэлэ устата оҕолор «Путешествие в Великобританию», «Достопримечательности Англии», «День английской сказки», «Зоопарк Англии», «День английской музыки» кѳрдѳрѳр-билиҺиннэрэр видео, презентация нѳңүѳ билистилэр. Английскай группа оҕолоро атын группа оҕолоругар «Три поросенка» остуоруйаны туруоран кѳрдѳрдүлэр, английскай тылынан ыллаан иҺитиннэрдилэр.

​​​​​​​

  •  Тохсунньу 23 күнүгэр Бэрдьигэстээхтээҕи музыкальнай оскуола үѳрэнээччилэрэ уонна учууталлара кэлэн олус үчүгэй концерт кѳрдѳрдүлэр, оҕолор интириэҺиргээн, сѳбүлээн кѳрдүлэр.
  • Тохсунньу 24 күнүгэр детсад сэбиэдиссэйэ Белолюбская Е.М. уонна педагог-психолог Алексеева М.И. «Реализация «Национального проекта «Образования»» в Республике Саха (Якутия)» тохсунньу ыйдааҕы үѳрэҕирии үлэҺиттэрин сүбэ мунньаҕар баран кыттан кэллилэр.
  • Тохсунньу 24 күнүгэр Бэрдьигэстээх орто оскуолатын алын сүҺүѳх учууталлара кэлэн 2019с бастакы кылааска киирэр оҕолор тѳрѳппүттэрин кытта кѳрсѳн үѳрэтэр программалары, оскуола үлэтин, режимын туҺунан сиҺилии билиҺиннэрдилэр.
Просмотров: 41 | Добавил: saina | Дата: 04.03.2019 | Комментарии (0)

  • Ахсынньы 6 кунугэр "Наарта ойуу" күрэҕэ бэлэмнэнии бѳлѳх оҕолоругар ыытыллыбыта. Элбэх эрчиллиини, сыраны, тулууру ирдиир күрэх икки бѳлѳҕүнэн барбыта - кыргыттар уонна уолаттар диэн. Кыргыттарга 190 ойон Прокопьева Сайаана 1 миэстэни, 172 ойон Никифорова Лиана 2 миэстэни, 157 ойон Иванова Вика 3 миэстэни ыллылар. Уолаттарга - 198 ойон Алексеев Витя 1 миэстэни, 189 ойон 2 миэстэни Санников Стасик, 157 ойон Пудов Миша 3 миэстэни ыллылар.

  • Ахсынньы 10-15 күннэригэр нуучча культуратын уонна фольклорун нэдиэлэтэ ыытылынна. Полилингвальнай иитиигэ пилотнай площадка буоларбыт быҺыытынан хас биирдии оҕоҕо нуучча тылын, культуратын, фольклорун күннээҕи олоххо киллэрэн билиҺиннэрэбит.

  • АҺаҕас аан күннэрэ "Дьэдьэннэр", "Чэмэлиидэлэр", "НьургуҺуннар" бѳлѳхтѳргѳ тэрилиннилэр. Манна тѳрѳппүттэр бэйэлэрэ оҕолору кытта ыкса билистилэр, дьарыктары, оонньуулары ыытан иитээччи үлэтэ хайдах курдук ыарахынын, айымньылаах үлэни ирдиирин эттэринэн-хааннарынан биллилэр.

  • Ахсынньы 10- 15 күннэригэр биҺиги детсад сэбиэдиссэйэ Белолюбская Елена Михайловна уонна педагог - психолога Алексеева Мария Ивановна Казахстан Республикатыгар Алматы куоракка баран идэлэрин таҺымын үрдэтэр курска үѳрэнэн кэллилэр.
  • Ахсынньы 14 күнүгэр "В ритме танца" Республиканскай күрэххэ коллективпыт үңкүүҺүт талааннаах кыргыттара кыттан үҺүс степеннээх Лауреат  аатын ыллылар (салайааччы  - детсадпыт хореограва Тереньева Т.И.)

  • Ахсынньы  6 күнүгэр "Айылҕа оҕолоробут" улуустааҕы экологическай күрэх түмүктэммитэ. Онно бэлэмнэнии бѳлѳх иитиллээччитэ Колесова Сияна кыттан үҺүс степеннээх Дипломунан наҕараадаланна. Атын кыттыбыт оҕолор сертификаттарынан бэлиэтэннилэр.
  • Ахсынньы 21 күнүгэр детсад базатыгар биириттэн үҺүгэр диэри саастаах дьиэҕэ олорор оҕолор тѳрѳппүттэригэр анаан "Адаптационная группа" консультативнай пункт үѳрүүлээх быҺыыга-майгыга арылынна, ол курдук кинилэргэ эҕэрдэ нүѳмэрдэр, детсад устун экскурсия тэрилиннэ. Манна 14 тѳрѳппүт кэлэн икки ѳттүттэн сѳбүлэҺэн бииргэ үлэлэҺэргэ договор түҺэристилэр, консультативнай пункт салайыллар докумуоннарын, сүрүн сыалын, үлэтин былаанын билистилэр.

  • Ахсынньы 21 күнүгэр тѳрѳппүт сэбиэтин тэрийиитинэн детсад учаастагар "Саңа дьыллааҕы дьүҺүйүү" фотозоналар күрэҕин түмүгэ таҕыста. Хас биирдии группа тѳрѳппүттэрэ олус интириэҺинэй кѳрүѳхтэн кэрэ, уоттаах-күѳстээх бэйэ-бэйэлэригэр майгыннаспат ис хоҺоонноох фотозоналары оңорон оҕолорго хаартыскаҕа туҺэргэ усулуобуйа тэрийдилэр, саңа дьыллааҕы сүргэни ѳрѳ кѳтѳхтүлэр. Бу күрэххэ балаҺыанньа быҺыытынан биир кыайыылаах

таҕыста  - "Чуораанчык" бэлэмнэнии бѳлѳх, атыттарга анал ааттар иңэрилиннилэр:

- "Уютный новогодний уголок" - "ДѳлүҺүѳнннэр" 2 кыра бѳлѳх;

- "Новогодняя снежная башня" - "Току-току" 2 кыра бѳлѳх;

- "Новогодний ледяной пятачок" -  "Сир симэхтэрэ" орто бѳлѳх;

- "Новогодние куранты" - "Чэмэлиидэ" орто бѳлѳх;

- "Новогодняя сказочная страна" -  "Дьэдьэннэр" улахан бѳлѳх;

- "Новогодняя северная страна" - "НьургуҺуннар" улахан бѳлѳх.

  • Ахсынньы 25 кунугэр "Лучший символ – года Хрюша" тарбахтарыгар талааннаах тѳрѳппүттэргэ күрэх түмүгэ та5ҕыста. Манна барыта 21 тѳрѳппүт кытынна, дьүүлүүр сүбэ  7 бастың үлэлэри быҺаарда:

-  Иванова Лена Анатольевна - "ДѳлүҺүѳнннэр" 2 кыра бѳлѳх;

- Никифорова Александра Сергеевна - "Току-току" 2 кыра бѳлѳх;

- Отова Мария Алексеевна -  "Сир симэхтэрэ" орто бѳлѳх;

- Махарова Антонина Валерьевна - "Чэмэлиидэ" орто бѳлѳх;

- Бурнашева Наталья Андреевна -  "Дьэдьэннэр" улахан бѳлѳх;

- Константинова Елена Александровна - "НьургуҺуннар" улахан бѳлѳх;

- Никифоров Анатолий Алексеевич - "Чуораанчык" улахан бѳлѳх.

Просмотров: 32 | Добавил: saina | Дата: 28.12.2018 | Комментарии (0)

  • Алтынньы  ый 4  күнүгэр оҕо библиотекатын үлэҺиттэрэ кэлэн нууччалыы хайысхалаах үлэлиир «НьургуҺун» улахан уонна «Чуораанчык» бэлэмнэнии бѳлѳх оҕолоругар нуучча норуотун фольклорун уонна культуратын туҺунан иҺитиннэрдэ, мультимедийнай оонньуулары, таабырыннары таайтарда.

  •  Алтынньы 5-6 күннэригэр биҺиги детсад базатыгар улуус хараҕынан проблемалаах оҕолор тѳрѳппүттэригэр семинар буолан ааста. Тѳрѳппүттэргэ сѳптѳѳх консультациялар, сүбэ-ама бэрилиннэ. Ол күн иитээччилэргэ хараҕынан проблемалалх оҕолору кытта үлэлииргэ эмиэ проблемнай курс ыытылынна. Курсу уонна семинары ООИ ЯРАИСИС (СВФУ) преподавателлэрэ салайан ыыттылар.
  • Алтынньы 12 күнүгэр биҺиги детсад традициятынан саңа кэлбит оҕолору уонна кинилэр тѳрѳппүттэрин чиэстээҺин буолла. Хас биирдии оҕоҕо ѳйдѳбүнньүк медаллары, тѳрѳппүттэргэ свидетельстволары туттардыбыт. Бу күн күҺүнү атаарыы ярмарката олус кѳхтѳѳхтүк, үрдүк таҺымнаахтык ыытылынна. Детсад коридордарын тарбахтарыгар талааннаах тѳрѳппүттэр оңорбут оңоҺуктара ордук киэргэттэ. Бу выставкаҕа барыта 86  тѳрѳппүт кытынна.
  • Алтынньы 12 күнүгэр детсад иҺинэн ыытыллыбыт «Цветочная радуга» күрэх түмүгэ таҕыста. Уопсай группанан күрэххэ саамай элбэх тѳрѳппүт кыттан 1 миэстэни «Сир симэхтэрэ» орто бѳлѳх, 2 миэстэни «Чэмэлиидэ» орто бѳлѳх уонна 3 миэстэни «НьургуҺуннар» улахан бѳлѳх ыллылар. «Цветочная радуга» номинация элбэх сибэккини детсадка бэлэхтээбит тѳрѳппут Кокорева Н.П. ананна. «Цветочная экзотика» номинация саамай сэдэх сибэккини аҕалбыт Стручкова Т.А. ананна, «Цветочная краса» номинация – Луковцева Н.Б., «Цветок с красивым горшком» - Иванова Л.А. Акцияҕа кыайбыт тѳрѳппүттэргэ – грамота уонна ѳйдѳбүнньүк бэлэхтэр, кыттыбыт тѳрѳппүттэргэ барыларыгар сертификат туттардыбыт.
  • Алтынньы 19 күнүгэр биҺиги улууспутугар «Первые шаги» 4с Республиканскай фестиваль чэрчитинэн «Бриллиантовые нотки 2018» күрэх буолан ааста. Манна биҺиги детсад оҕолоро «Маленькие лебеди» гимнастическай номердарынан (салайааччылар - физинструктор Яковлева С.И., иитээччи Дунаева Р.Е.) кыттан Лауреат 1 степени буоллулар.
  • Алтынньы 24 күнүгэр детсад уопсай тѳрѳппүтүн мунньаҕа буолла. Бу мунньахха тѳрѳппүттэр детсад ООП (основной образовательнай программатын), детсад үлэтэ тирэҕирэр сүрүн докумуоннарын кытта билистилэр. Сэбиэдиссэй Белолюбская Е.М. быйылгы үѳрэх дьылыгар сүрүн сыалы, соруктары билиҺиннэрдэ уонна ааспыт үѳрэх сылын ситиҺиилэрин иҺитиннэрдэ. Мунньахха тѳрѳппүт взноҺун туҺунан бухгалтер АндросоваА.Ю. сиҺилии быҺаарда. 
  • Алтынньы 25 күнүгэр «Доруобуйа күнэ ыытылынна». Бу күн иитиллээччилэргэ уонна детсад үлэҺиттэригэр эти-хааны чэбдигирдэр зарядкаттан саҕаланна. Күн устата оҕолор доруобуйа, чѳл олох  туҺунан бэсиэдэлэри иҺиттилэр, элбэх хамсаныылаах оонньуулар ыытылыннылар, витаминизированнай аҺы сиэтилэр. Кыра уонна орто бѳлѳх оҕолоругар физинструктор Яковлева С.И. «В гости к Мойдодыру»  физкультурнай аралдьытыы, улахан уонна бэлэмнэнии бѳлѳх оҕолоругар «День здоровья - на зарядку становись!» предметтээх эти-хааны сайыннарар эрчиллиилэри музыканан үрдүк таҺымңа ыытта.
  •  Алтынньы 30-31 күннэригэр Горнай уонна Бүлүү бѳлѳх улуустарыгар нуучча дуобатыгар аҺаҕас турнир буолан ааста. Бу күрэххэ биҺиги бэлэмнэнии бѳлѳх иитиллээччитэ Захарова Кристина оскуола иннинээҕи саастаах оҕолорго 2с миэстэни ылла.
Просмотров: 39 | Добавил: saina | Дата: 27.11.2018 | Комментарии (1)

Бала5ан ыйдаа5ы иҺитиннэрии

  • Балаҕан ыйын 7 күнүгэр биҺиги детсадпыт саңа үѳрэх дьылыгар үлэтин саҕалаата. Уопсайа 67 саңа оҕо детсад боруогун атыллаата.
  • Сайын устата лестничнай площадканы саңардыыга 432.703солк сууммалаах капитальнай ремонт үлэтэ барда. Прачечнай уонна кастелянша хосторо капитальнай ремоннаннылар уонна аныгылыы миэбэлинэн хааччылыннылар.
  • Быйылгы үѳрэх дьылыгар саңа үлэҺит - музыкальнай салайааччы Корнилова Зоя Семеновна оҕолорго ырыа кэрэ эйгэтигэр уҺуйар.
  • Бэс ыйын 5-8 күннэригэр Республиканскай «Бастың иитээччи 2018» профессиональнай күрэххэ Горнай улуус чиэҺин биҺиги детсад иитэччитэ Безносова Таисия Лукьяновна кѳмүскээтэ. Түмүккэ кини күрэх Лауреата, "Детское признание" номинация уонна "Надежда Якутии" нагрудной знак хаҺаайкатынан буолла. Бу биҺиги детсад улахан ситиҺиибит буолар.
  • Балаҕан ыйын 4 күнүгэр үѳрэҕирии үлэҺиттэрин балаҕан ыйдааҕы сүбэ мунньахтара буолла. Манна биҺиги детсад иитээччилэрэ Горохова М.М., Татаринова А.Н., Безносова Т.Л. «Открытая школа: инновации в образовании» выставка-ярмаркаҕа кыттан нэҺилиэк тѳрѳппүттэригэр, оҕолоругар бэйэлэрин мастер-класстарын, выставкаларын кѳрдѳрдүлэр, сүбэ-ама биэрдилэр.
  • Детсад тутаах уонна сатабыллаах үлэҺитэ, столяра Прокопьев В.Д. үлэтигэр үрдүк ситиҺиилэрин иҺин бу сүбэ мунньахха Горнай улууҺун баҺылыгын бочуотунай грамотатынан наҕараадаланна.
Просмотров: 48 | Добавил: saina | Дата: 24.10.2018 | Комментарии (0)

  • Муус устар 6 күнүгэр Горнай улууһун Маҕарас нэһилиэгэр оскуола иннинээҕи оҕолорго анаан хайыһарынан сүүрүүгэ уонна наартаны ойууга күрэх буолбута. Бу күрэххэ биһиги уһуйааммыт физинструкторва Яковлева С.И. бэлэмнэнии бөлөхтөртөн 7 иитиллээччини бэлэмнээн илдьэ барбыта. Күрэх олус интириэһинэйдик ааспыта. Оҕолор бэйэлэрин бэлэмнэринэн, кыахтарынан киирсибиттэрэ. Күрэх бүтүүтэ «Наартаны ойууга» кыргыттарга «Чэмэлиидэ» бэлэмнэнии бөлөх иитиллээччитэ Данилова Дайаана – 370 – на ыстана I миэстэни ылбыта. Онтон Никифорова Варя «Ньургуһун» бэлэмнэнии бөлөх иитиллээччитэ – 264 – тэ ыстанан II буолбута. Уолаттарга «Ньургуһун» бэлэмнэнии бөлөх иитиллээччилэрэ Лаптьев Ильдар – 315 –тэ ыстанан I миэстэ буолбута. Алексеев Андриан анал аат хаһаайына буолбута. Хайыһарга кыргыттарга Данилова Дайаана - I миэстэни, Аввакумова Ира – II миэстэни, уолаттарга Кривошапкин Эрсан – III миэстэни ыланнар үөрүүбүт баһаам. Ону таһынан биһиги детсадпыт физруга Саргылаана Иннокентьевна, наартаны ойууга оҕолору сылын ахсын дьарыктаабыт үлэтэ сыаналанан «Лучший руководитель» номинацияны ылбыта.

  • Муус устар 7 күнүгэр сынньалан киинңэ сылын аайы буолар «Карапузик» куонкурус буолан ааста. Ол күрэххэ “Сардаана” детсадпытыттан уопсайа 74 иитиллээччи көхтөөх кыттынны ылбыттара. Дьүүллүүр сүбэ түмүгүнэн Семенова Инесса «Чэмэлиидэ» бэлэмнэнии бөлөх иитиллээччитэ музыкальнай инструменнар көрүҥнэригэр - Лауреат I степени, онтон Дунаева Р.Е. уонна Гермогенова С.В. салайааччылаах «Квинтет» вокальнай ансамбль - Лауреат III степени буолбуттара. Уһуйааммыт физруга Яковлева С.И. «Веселая гимнастика» кружогун кыргыттара үнкүүлээбит «Якутяночка» постановката - Лауреат I степени, Терентьева Т.И. бэлэмнэнии бөлөх уолаттарыгар туруорбут «Современнай үнкүүтэ» - Лауреат II степени ылбыттара. Ону таһынан Терентьева Т.И. салайааччылаах улахан бөлөх кыргыттара «Дымковские барыни» үнкүүлэрэ Гран При хаһаайына буолан үөрүүбүт үксээтэ. Онтон атыттарга активнай кыттыыны ылбыттарын иһин сертификат туттарыллыбыттара.

  • Муус устар 9 күнүгэр культура колледжын устудбуоннара оҕолорго анаан А.С. Пушкин суруйбут «Сказка о рыбаке и рыбке» остуоруйаны көрдөрөн, оҕолору үөрдэн барбыттара.

  • Муус устар 11 күнүгэр Аһыма нэһилиэгэр «Одуванчик» оҕо саада «Бэргэнчэй» диэн уол аҕатынаан күрэҕин тэрийбиттэрэ. Бу манна биһиги детсадпытыттан «Чэмэлиидэ» бэлэмнэнии бөлөх иитиллээччитэ Кривошапкин Эрсан аҕатынаан Владислав Владимировичтын 5 этаптаах(визитка, булт көрүҥнэригэр күрэхтэһии, хайыһар, аҕаларга күрэхтэһии, эстафета) күрэхтэһиигэ кыттыбыттара. Күрэх устата бэйэлэрин кыахтарын, сатабылларын көрдөрөн 11 хамаандаттан I миэстэни ылан кэлбиттэрэ.

  • Муус устар 11 күнүгэр «Кырачаан Ымыылар» детсадка бэлэмнэнии бөлөх оҕолоругар анаан интеллекуальнай «Тииҥ мэйии» конкурус буолбута. Биһиги «Сардаана» уһуйааммытыттан «Чэмэлиидэ» бэлэмнэнии бөлөх иитиллээччитэ Максимова Сумайя активнай кыттыыны ылан кэлбитэ.

  • Муус устар 11 күнүгэр детсадпытыгар Муром округ №90 номердах детсадын учебно-тематическай комплексын уонна педагогтары опыттарыттан билиһиннэрэр мини-семинар буолбута.

  • Муус устар 15 күнүгэр Хаҥалас улууһун Покровскай куоратыгар Республиканскай «Хоровод дружбы» диэн хороводнай үнкүүлэр конкурустара буолбута. Бу куонкуруска биһиги детсадпыт хароеграва Терентьева Т.И. уонна улахан бөлөх иитээччитэ Дунаева Р.Е. «Аламай сулус» кыргыттар ансабылларын «Дымковские барыни» үнкүүлэринэн кыттыыны ылан - Лауреат II степени буолан кэлбиттэрэ.

  • Муус устар 22-24 күннэригэр Горнай лесхоһын кытары неделя экологии ыытыллыбыта. Бу манна бэлэмнэнии бөлөх иитиллээччилэрэ «Берегите Землю!» диэн акцияҕа араас интэриэһинэй, бэйэ бэйэлэригэр майгыннаспат плакаттары оҥорон кыттыыны ылбыттара.

  • Муус устар 24-26 күннэригэр ыытыллыбыт улуустааҕы «Воспитатель года – 2018 г.» буолан ааспыта. Бу манна биһиги уһуйааммыт ыттан эдэр, инникигэ кэскиллээх иитээччибит Безносова Таисия Лукьяновна кыттыыны ылбыта. Конкурус уопсайа 4 этаптаах этэ: 1 - заочной тур, 2 – мастер-класс уонна 3 – жеребьевканнан түбэспит темаҕа дьарык көрдөрөөһүнэ уонна 4 – профессиональный разговор. Уопсайа Горнай улууһун детсадтарыттан 9 кыттааччы баара. Бу конкуруска Таисия Лукьяновна бэйэтин грамотнай, творческай педагог быһыытынан көрдөрөн I миэстэни ылан бэс ыйыгар Дьокуускай куоракка Республиканскай «Воспитатель года – 2018 г.» улууспут чиэһин көмүскүү барар.

  • Муус устар 25 күнүгэр Горнай улууһун Мытаах нэһилиэгэр улуустаађы саха народнай поэтын С.П.Данилов аатынан ыытыллыбыт «Даниловскай аађыы» күрэђэ буолан ааспыта. Онно биһиги уһуйаантан «Дьэдьэннэр» орто бөлөхтөн Кривошапкина Эрика кыттыыны ылан Лауреат III степени буолла.

Просмотров: 37 | Добавил: aikovinokurova2193 | Дата: 16.10.2018 | Комментарии (0)

  • Кулун тутар 7 күнүгэр уһуйааммыт бэлэмнэнии бөлөҕүн кэрэчээн кыргыттарыгар анаан «Сардаана Куо-2018» куонкурус ыытыллынна. Манна уопсайа 10 кыыс кыттыыны ылла. Хас биирдии кыыс олус кэрэтик киэргэнэн бэйэлэрин кыахтарын, талааннарын көрдөрдүлэр. Түмүккэ «Сардаана Куо» үрдүк ааты «Чэмэлиидэ» бөлөх иитиллээччитэ Прокпоьева Сайаана ылла. «Сандаара Куо» - Аввакумова Ира; «Кэрэчээнэ Куо» - Винокурова Вика; «Талаана Куо» - Семенова Инесса; «Кыталык Куо» - Трофимова Эльза; «Күөрэгэй Куо» - Бурнашева Сайнаара; «Сааскылаана Куо» - Дьячковская Айгылаана; «Мичийээнэ Куо» - Неустроева Дайаана;  «Намыына Куо» - Терютина Виолетта; «Кэскилээнэ Куо» - Максимова Сумайя.  

  • Кулун тутар 10 күнүгэр культура киинигэр улуустаађы сылын аайы буолар «Танцует Горный» күрэх буолан ааста. Онно  «Сардаана» ођону сайыннарар киинтэн хареограф Терентьева Т.И. бэлэмнэнии бөлөх уолаттарыгар туруорбут аныгылыы үҥкүүтэ «Лучший современный танец», орто бөлөх иитиллээччилэригэр туруорбут «Маша и медведь» үҥкүүтэ «Оригинальная постановка» номинациялары ыллылар. Ону таһынан  Яковлева С.И. "Веселая гимнастика" кружок салайааччыта "Чуораанчык" улахан бөлөх (иитээччи Дунаева Р.Е.) кыргыттарыгар туруорбут  «Танец маленьких лебедей»   үнкүүлэрэ Лауреат II степни уонна «Приз зрительских симпатий» анал ааттары ылан үѳрүүлэрэ үксээтэ.

  

  • Кулун тутар 13 күнүгэр детсадпыт иитээччитэ Семенова Н.И. уонна психолога Винокурова А.А. Л.Е. Лукина аатынан эбии үөрэхтээһин киинигэр «Начальное техническое моделирование» диэн  Никанорова Л.П. авторскай семинарыгар сылдьан билиилэрэ-кѳрүүлэрэ хаҥаата. 

 

  • Кулун тутар 13 күнүгэр "Сардаана" ођону сайыннарар киин базатыгар улуустаађы “Педчтение” буолла. Биһиги детсадпытыттан иитээчилэр - Дунаева Р.Е., Оленова Н.К., Аргунова А.М., Михайлова Н.Н. уонна Михайлова М.И. бэйэлэрин  үлэлэрин опытын көмүскээтилэр. Дьүүллүүр сүбэ түмүгүнэн Дунаева Р.Е., Оленова Н.К., Михайлова М.И. I степенньэх Дипломунан нађараадаланнылар.

​​​​​​​

  • Кулун тутар 22 күнүгэр детсад иһинэн улахан уонна бэлэмнэнии бөлөх ођолоругар анаан «Первые шаги в науку» диэн доклад аађыытын күрэђэ буолан ааста. Улахан бөлөхтөртөн 3 ођо, бэлэмнэнии бөлөхтөртөн 6 ођо кытыннылар. Ођолор олус интэриэһинэй, бэйэлэрэ опыт оңорон, чинчийбит үлэлэрин көмүскээтилэр. Дьүүллүүр сүбэ түмүгүнэн Бурнашева Сайнаара «Ньургуһун» бэлэмнэнии бөлөх иитиллээччитэ «Бумага своими руками» диэн докладынан кыайыылаах буолан та5ыста. «Ньургуһун» бэлэмнэнии бөлөх иитиллээччитэ Борисов Боря «Үүнээйилэр сиэмэлэрин үүнүүтүн чинчийии» докладынан - II миэстэни ылла. «Чэмэлиидэ» бэлэмнэнии бөлөх иитиллээччитэ Аввакумова Ира «Уҥуох уонна ас» докладынан III миэстэ буолла.

  • Кулун тутар  21 күнүгэр уһуйааммыт иһинэн бэлэмнэнии бөлөх иитиллээччилэригэр нуучча дуобатыгар күрэх тэриллэн ыытыллынна. Уопсайа 18 оҕо (9 уол, 9 кыыс) күрэхтэстилэр. Күрэх түмүгүнэн кыргыттарага  I миэстэни – Данилова Дайаана, II миэстэни – Захарова Кристина, III миэстэни – Аввакумова Ира ыллылар. Уолаттарга I миэстэ – Захаров Алеша, II миэстэ – Алексеев Андриан, III миэстэ – Семенов Игнат буоллулар.
  • Кулун тутар 23 күнүгэр Октябрьскай нэһилиэгэр «Айылгы» оҕо саадыгар оскуолаҕа киириэн иннинээҕи саастаах оҕо тэрилтэлэрин иһинэн ыытыллыбыт улуустааҕы «Чэмэлиинэ - 2018» күрэх буолла.  «Сардаана» детсадпытыттан «Чэмэлиидэ» бэлэмнэнии бөлөх иитиллээччитэ Семенова Инесса кыттыыны ылан сертификатынан бэлиэтэнэн кэллэ.

​​​​​​​

  • Кулун тутар 23 күнүгэр  Бэрдигэстээх «Родничок» уһуйаныгар оскуола иннинээҕи саастаах оҕолорго анаан улуустааҕы нуучча дуобатыгар күрэх буолла. Күрэххэ Алексеев Андриан, Захаров Дьулус, Аввакумова Ира уонна Данилова Дайаана бэлэмнэнии бөлөх иитиллээччилэрэ, бэйэлэрин мындыр өйдөрүн көрдөрөн хамаанданнан - I миэстэ буоллулар. Онтон биирдиилээн күрэххэ Захаров Дьулус - II, Данилова Дайаана – II, Аввакумова Ира - III миэстэлэри ыллылар.

​​​​​​​

  • Кулун тутар 27 күнүгэр детсадпыт базатыгар Региональнай педчтения буолла. Уопсайа манна 3 улуустан (Кэбээйи, Нам, Горнай) кыттыыны ыллылар. Биһигиттэн 5 педагог: Михайлова М.И., Аргунова А.М., Оленова Н.К., Дунаева Р.Е. бэйэлэрин  үлэлэрин уопутун сырдаттылар. Педчтения бүтүүтэ дьүүллүүр сүбэ түмүгүнэн Дунаева Р.Е. Шадринскай ааҕыыларга кыттарыгар рекомендация ыллла. ​​​​​​​

  • Кулун тутар 29 күнүгэр иитээччилэр көмөлөһөөччүлэригэр анаан «Педагог и семья – организация взаимодействия» диэн темалах дьарыктаныы семинар буолан ааста.  Дьарык теоретическай чааһыгар уһуйааммыт психолога Винокурова А.А – дьиэ кэргэни кытта үлэни тэрийии туһунан сиһилии кэпсээтэ. Практическай чааһыгар младшай иитээчилэр икки хамаандаҕа арахсан деловой оонньууну оонньоотулар.

​​​​​​​

  • Кулун тутар 29 күнүгэр «Чэмэлиидэ» бэлэмнэнии бөлөх иитиллээччилэрэ оҕо бибилиотекатыгар экскурсияҕа баран кэллилэр, саҥа арыллыбыт оҕолорго аналлаах игровой «Чудо остров» - диэн залы көрөн, олус сөбүлээтилэр, астыннылар.

​​​​​​​

  • Ону таһынан бу күн уһуйаммыт иһинэн бэлэмнэнии бөлөхтөргө анаан «Наартаны ойуу» күрэҕэ буолан ааста. Бу күрэххэ уопсайа 11 оҕо (6 уол, 5 кыыс) кыттыыны ыллылар. Күрэх олус интэриэһинэйдик ааста, ођолор бэлэмнэниилэрэ сүрдээх.  Наартаны ойуу түмүгүнэн уолаттарга 427-тэ ыстанан бастакы миэстэни Лаптев Ильдар ылла, онтон иккис миэстэни 264-тэ ыстаммыт Захаров Алеша ылла, уһус 240 - на ыстаммыт Алексеев Андриан буолла. Кыргыттарга бастакы миэстэни 375 - тэ ыстаммыт Данилова Дайаана ылла, иккис миэстэ 367-тэ ыстаммыт Никифорова Варяҕа тигистэ, уһус миэстэни 193-тэ ыстанан Сидорова Сайаана ылла.

​​​​​​​

  • Кулун тутар 30 күнүгэр «Кырачаана ымыылар» детсадка Д.Д. Сивцевка аатын үйэтитиигэ республиканскай турнир буолла. Бу турнирга «Сардаана» детсадтан 8 оҕо кыттыыны ылла: Иванова Наиля, Максимова Сумайя, Аввакумова Ира, Данилова Дайаана(«Чэмэлиидэ» бэлэмнэнии бөлөх), Алексеев Андриан, Захаров Алеша, Семенов Игнат(«Ньургуһун» бэлэмнэнии бөлөх) уонна Захарова Кристина(«Чуораанчык» улахан бөлөх). Күрэх түмүгэр Максимова Сумайя – «Перспективный игрок» анал ааты тутта.

​​​​​​​

  • Ону таһынан бу күн Духуобунас киинигэр поэт Григорий Данилов оҕолорго анаан суруйбут хоһооннорун хомуурунньугун сүрэхтэниитигэр биһиги уһуйантан «Ньургуһун» уонна «Чэмэлиидэ» бэлэмнэнии бөлөх иитиллээччилэрэ Тарасов Тускул «Тоҕо» диэн хоһоонун, Прокопьева Сайаана «Саас иһэр» диэн хоһоонун  ааҕан иһитиннэрбиттэрэ.

​​​​​​​ ​​​​​​​

  • Быйылгы үөрэх сыла саҕаланыытыгар Дьокуускай куорат Саха Сирин үөрэҕирии министерсватыттан, дошкольнай образование эксперта Михалева О.И.  кэлэн ECER инструментарийыйан «Сир симэҕэ» орто бөлөҕү кэтээн көрбүтэ. Ол түмүгүнэн биһиги уһуйааммыт 159,6 үрдүк баалы ылан Республика үрдүнэн үчүгэй көрдөрүүлээх буолан тахсыбыппыт.
Просмотров: 67 | Добавил: aikovinokurova2193 | Дата: 04.04.2018 | Комментарии (0)

Тохсуньньу ый бүтүүтүгэр, олунньу ый саҕаланыытыгар уһуйааммытыттан 33 оҕо «Страна талантов» диэн Всероссийскай проект иһинэн ыытыллыбыт интернет-олимпиадаҕа кыттыннылар. Бу олимпиада үс предмет көрүҥэр буолла, «Нуучча тыла», «Тулалыыр эйгэ» уонна «Ахсаан». Оҕолор бэйэлэрэ интэриэһиргиир, сөбүлүүр предметтэрин талан, онно бэриллибит сорудахтары толорбуттара.  Олипиада түмүгүнэн Румянцева Арина «Ньургуһун»бэлэмнэнии бөлөх иитиллээччитэ нуучча тылыгар, Тобохов Сандал «Чэмэлиидэ» бэлэмнэнии бөлөхтѳн ахсааҥҥа Федеральнай таһымҥа I степеннаах кыайыылаахтара буоллулар. Сменова Инесса «Чэмэлиидэ» бэлэмнэнии бөлөхтѳн тулалыыр эйгэҕэ Региональнай таһымҥа I степеннээх кыайыылаах буолла. Муниципальнай таһымҥа Борисов Боря «Ньургуһун» бэлэмнэнии бөлөхтѳн уонна  Иванова Наиля «Чэмэлиидэ» бэлэмнэнии бөлөхтѳн тулалыыр эйгэҕэ  II степеннээх кыайыылаахтар. Максимова Сумайя, Оконешников Толя «Чэмэлиидэ» бэлэмнэнии бөлөхтѳн ахсааҥҥа, Петров Владлен, Санникова Алиса «Ньургуһун» бэлэмнэнии бөлөхтѳн нуучча тылыгар Муниципальнай таһымҥа саамай үрдүк көрдөрүүлээхтэр. Уонна атыттарга активнай кыттыыларын иһин сертификаттар туттарыллыннылар.

Олунньу 14 күнүгэр Горнай улууһун үөрэҕириитин тэрилтэлэригэр «Воспитание детей в условиях социально культурного пространства села» диэн темалаах олунньу ыйдааҕы сүбэ мунньах буолан ааспыта. Мунньах бастакы чааһыгар С.П. Данилов аатынан оскуолаҕа үс араас көрүҥүнэн семинар ыытылынна.Манна детсадпыт старшай воспитателя Алексеева М.И.  «Новая форма аттестации педагогов и приоритетные проекты в системы образования РС(Я)» семинары иһиттэ,  психологпыт Винокурова А.А. Дьокуускай кораттааҕы СВФУ  Психология институтуттан семейнай психолога Сергеева А.А. семинарыгар сырытта.  Күн иккис аҥарыгар бырааттыы Даниловтар ааттарынан духуобунас киинигэр «Тэрилтэ дьиэ кэргэни кытта үлэтэ» стенданнан  быыстапка тэрилиннэ. Ону таһынан дьокуускай куораттан араас специалистар «Дьиэ кэргэн иитиитигэр опыт» всеобуч буолла. Мунньах быыһыгар "Веселая гимнастика" кружок иитиллээччилэрэ «Хаарчаана» спортивнай үҥкүүннэн дьону сэргэхсиппиттэрэ.  Бу күн детсадпыт иитээччитэ Спиридонова М.Р. кыһамньылаах үлэтэ сыаналанан «Отличник образования» аат үрдүк аатын сүктэ.

Олунньу ый 16 күнүгэр С.П. Данилов аатынан оскуолаҕа «Мониторинг универсальных учебных действий» диэнулуснай семинар-практикум буоланааста. Бу семинарга стандарт быһыытынаноҕо хайдах сайдан иһэрин кэтээн көрөр мониторинг тэрийэр үлэтэ хайдах барарын, туох уратылааҕын туһунан, хайдах ыытылларын, түмүк таһааралларын сиһилии кэпсээтилэр.  Бу семинарга биһиги детсадпыт психолога Винокурова А.А. сыратта, кѳрдѳ-иһиттэ.

Олунньу 19 күнүгэр детсадпыт иһинэн педчтения буолла.  Манна уопсайа 5 иитээччи кыттыыны ылла. Дьүүллүүр сүбэ түмүгүнэн I степеннээхДиплому – Аргунова А.М., II степени Диплому – Оленова Н.К. III степени Дипломнары Дунаева Р.Е. Михайлова Н.Н. уонна Безносова Т.Л. туттулар.

Просмотров: 63 | Добавил: aikovinokurova2193 | Дата: 26.03.2018 | Комментарии (0)

1 2 3 ... 10 11 »
Вход на сайт

Поиск

Календарь
«  Июль 2019  »
ПнВтСрЧтПтСбВс
1234567
891011121314
15161718192021
22232425262728
293031

Архив записей

Друзья сайта

Copyright MyCorp © 2019 Создать бесплатный сайт с uCoz