Меню сайта

Наш опрос
Оцените мой сайт
Всего ответов: 10

Статистика

Онлайн всего: 1
Гостей: 1
Пользователей: 0

Главная

Регистрация

Вход
Приветствую Вас Гость | RSS


МБ ДОУ ЦРР ДЕТСКИЙ САД №8 "САРДААНА"


Понедельник, 28.09.2020, 17:57
[ Добавить материал ]

Кулун тутар ыйдааҕы иһитиннэрии

Кулун тутар 1 күнүгэр Республиканскай «Дети Туймаады» спортивнай күрэх оскуола иннинээҕи тэрилтэлэргэ ыытыллар «Кэнчээри» физкультурнай норматив кѳрүӊнэригэр буолла. Биһиги детсад оҕолоро «Кырачаан ымыылар»  детсад оҕолорун кытта холбоһуктаах команда тэринэн 3с бочуоттаах миэстэҕэ тиксэн, улахан кѳрдѳрүүлээх кэллилэр. Биирдиилээн кѳрүӊӊэ: Андреева Наина, Егоров Елизар 3түү мэдээллээхтэр, Егоров Марик 1 мэдээл. Оҕолору бу күрэххэ бэлэмнээтэ уонна тѳрѳппүттэри кытта салайан илдьэ сырытта үрдүк категориялаах педагог, детсад физинструктора Яковлева С.И.

Кулун тутар 6 күнүгэр Аан дойду дьахталларын күнүгэр аналлаах эҕэрдэ концерт буолла. Манна бары бѳлѳхтѳр сыл устата үѳрэппит, билбит ырыаларын-хоһооннорун, үӊкүүлэрин истиӊ ийэлэригэр, таптыыр эбээлэригэр, эдьийдэригэр кѳрдѳрдүлэр. Мустубут кэрэ аӊардар олус астынан, сынньанан, дуоһуйан тарҕастылар 

Улуустааҕы библиотека иһинэн тэриллибит "Аҕам саастаахтар 50+" оскуолаҕа биһиги ветеран үлэһиттэрбит Михайлова М.Н. уонна Пахомова Т.Р. дьарыктаналлар. Кулун тутар 11 күнүгэр кинилэр "Эбээ остуоруйалара" проектарынан биһиги детсадка кэлэн ыалдьыттаатылар. Бу проект чэрчитинэн оҕолорго анаан, ис дууһаларын ууран туран, бэйэлэрэ оҥорбут кинигэлэринэн оҕолорго остуоруйалары кэпсээтилэр. Эбээлэр оҥорбут кинигэлэрэ оҕо болҕомтотун олус тардар, дьэрэкээн араас ѳҥүнэн дьүѳрэлэһэн тигиллибитэ кѳрүѳххэ кэрэ, кинигэлэр ѳссѳ оҕо мелкай моторикатын сайыннарар функциялаахтар, элбэх билиини-кѳрүүнү  биэрэр, толкуйдуур дьоҕурун сайыннарар ис хоһоонноохтор.

Кулун тутар 12 күнүгэр улууспутугар ыытыллыбыт “Танцует Горный” күрэххэ сылын аайы буоларын курдук оҕолорбут кэккэ ситиһиилэннилэр. Ол курдук,  “Чэмэлиидэ” улахан бѳлѳх оҕолорун үӊкүүтэ 1 истиэпэннээх дипломунан, “Ньургуһун” улахан бѳлѳх - 3 истиэпэннээх Лауреат дипломунан,  “Чэмэлиидэ” улахан бѳлѳх кэрэчээн кыргыттарын японскай үӊкүүтэ 2 истиэпэннээх дипломунан, “Веселая гимнастика” кыргыттарын “Якутяночка” үӊкүүтэ 1 истиэпэннээх Лауреат дипломунан бэлиэтэннилэр.

  Кулун тутар 13 күнүгэр Республикаскай “Таланты Земли Олонхо”  кѳрүү-күрэххэ “Веселая гимнастика” кыргыттарын “Якутяночка” үӊкүүтэ “Хореография” номинацияҕа Гранпри үрдүк ааты ылла,онтон “Народно-прикладное искусство” номинацияҕа детсадпыт логопеда Санникова А.В. бастыӊ үлэлэрин иһин Гранпри хаһаайына буолла. Бу күрэххэ  “Чэмэлиидэ” улахан бѳлѳх оҕолорун үӊкүүтэ 3 истиэннээх Лауреат аатын ыллылар. “Вокал”номинацияҕа “Чуораанчык” бѳлѳх кыргыттара 1 истиэпэннээх Лауреат буоллулар. “Инструментальное исполнительство” номинацияҕа  “Сардаана” дуэт 3 истиэпэннээх Лауреат аатын ыллылар. Бу маннык күрэхтэргэ оҕо сыанаҕа холкутук тутта-хапта сылдьарга үѳрэнэр, тахсан эрэр талаана арыллар, оҕо бары ѳттүнэн сайдар, кэрэҕэ уһуйуллар. 

Кулун тутар 13 күнүгэр Кэбээйигэ ыытыллыбыт бастакы Региональнай “Мастерская педагогических идей” методразрабока күрэҕэр детсадпыт биир бастыӊ педагогтара кыттан, бэйэлэрин үлэлэрин киэӊ эйгэҕэ билиһиннэрэн, сыаналатан кэллилэр. Ол курдук, иитээччи Спиридонова М.Р. “Познавательное развитие” номинацияҕа  1 миэстэни, логопед Санникова А.В. “Речевое развитие” номинацияҕа 2 миэстэни ыллылар.

Кулун тутар 20 күнүгэр оскуолаҕа киириэн иннинэӊи саастаах оҕолору үѳрэхтээһин Саха республикатыгар тэриллибитэ 100 сылын кѳрсѳ детсад иһинэн “Бастыӊ педкопилка” күрэх түмүгүн иһитиннэрдибит. Ол курдук, 1кы миэстэни улахан бѳлѳх иитээччитэ Аргунова А.М., 2 миэстэни – Оленова Н.К., 3 миэстэни тэӊ баалы ылан Дунаева Р.Е. уонна Санникова А.В. ыллылар. Инники күѳӊӊэ сылдьар иитээччилэрбит үлэлэринэн киэн туттабыт.

Просмотров: 56 | Добавил: saina | Дата: 24.04.2020 | Комментарии (0)

Олунньу ыйдааҕы иһитиннэрии

Олунньу 3-7 күннэригэр английскай тыл нэдиэлэтэ ыытылынна. Оҕону омук тылыгар уһуйар детсад буоларбыт быһыытынан маннык нэдиэлэни сыл аайы ыытарбыт үтүѳ түмүктэрдээх буолар. Бу нэдиэлэ устата детсад бары оҕолоро омук тыллаах дойдулары, кинилэр культураларын, олохторун-дьаһахтарын кытта билистилэр. Ону таһынан английскай тылынан ѳйтѳн хоһоон ааҕыы күрэҕэ, “Дьэдьэннэр” бэлэмнэнии бѳлѳх оҕолорун туруоруутугар “Эриэппэ” остуоруйаны омук тылынан кѳрдѳрүү, Сэмэн Данилов аатынан Бэрдьигэстээх  орто окуолатын алын кылааһын оҕолорун эҕэрдэ номердарын концера буолла. Английскай хоһоон күрэҕэр 1кы миэстэни А.Ванесса, 2с миэстэни К.Эрика, 3с миэстэни П.Максим ыллылар.

Олунньу 4 күнүгэр оскуолаҕа киириэн иннинэӊи саастаах оҕолору үѳрэхтээһин Саха республикатыгар тэриллибитэ 100 сылын кѳрсѳ “Чѳмчүүк саас” диэн команднай ток-шоу Бэрдьигэстээх детсадтарын үлэһиттэрин ортолоругар ыытылынна. Биһиги детсад чиэһин иитээччи Оленова Н.К., иитээччи кѳмѳлѳһѳѳччүтэ Стручкова А.А., тѳрѳппүт Кривошапкина Нь. М. ситиһиилээхтик кѳмүскээтилэр. Күрэххэ кыттааччылар билиилэрин-сатабылларын тургутан  кѳрдүлэр, айар дьоҕурдарын сыаналаатылар.

Олунньу 6 күнүгэр быйылгы олунньутааҕы үѳрэх үлэһиттэрин сүбэ мунньаҕа оскуолаҕа киириэн иннинэӊи саастаах оҕолору үѳрэхтээһин Саха республикатыгар тэриллибитэ 100 сылыгар ананна. Сүбэ мунньах биир бэлиэ түгэнинэн Дьокуускай куораттан делегация - үѳрэҕирии начальнига Семенов А.К., Дьокуускай куорат үѳрэҕириитин сүрүн специалиһа Щергина А.А. уонна “Кэскил” детсад сэбиэдиссэйэ Захарова С.М. оскуолаҕа киириэн иннинэҕи саастаах оҕолору үѳрэхтээһин 100 сыллаах юбилейнай эстафета кубогун үѳрүүлээх быһыыга-майгыга туттардылар. Манна биһиги ветераннарбыт Саввина В.С., Васильева Л.И., Сидорова П.М., Андреева М.Д., Иванова Т.Д., Протопова А.Н., Михайлова М.Н., Михайлова М.Н. кэлэн убаастабыллаах ыалдьыт буолан, кыттыыны ыллылар, сэмэй бэлэҕинэн бэлиэтэннилэр. Ону таһынан куорат делегацията биһиги детсадпытын кѳрѳн-истэн, ис содержаниета күүскэ республикаҕа үлэлиирин билэбит уонна эйгэҕит саӊа олох ирдэбилигэр, оҕо сайдарыгар эппиэттиир эбит диэн хайҕаан бардылар.

Олунньу 7 күнүгэр кырдьаҕас Бүлүү куоратыгар историческай суолталаах эстафета кубогун туттара биһиги улуус делегациятын састаабыгар киирэн детсадпыт старшай иитээччитэ Михайлова М.И., психолог Алексеева М.И. тиийдилэр. Онтон салгыы Υѳһээ Бүлүү, Ньурба улуустар оҕо тэрилтэлэрин сайдар эйгэлэрин, иитии-сайыннарыы саӊа сүүрээннэрин кѳрѳ-истэ айаннаатылар. Бүлүү бѳлѳх улуус детсадтара туспа атын сайдыылаахтарын бэлиэтии кѳрѳн, сэргээн сѳҕѳн-сэргээн кэллилэр.

Олунньу 13 күнүгэр Республикабытыгар Сурук уонна бичик күнэ бэлиэтэннэ. Бу күн детсад педагогтарыгар сахалыы диктант суруйуута ыытылынна. Биир да сыыһата суох буолан 1кы миэстэҕэ Сидорова В.П., 2с миэстэ Яковлева С.И. уонна Аргунова А.М., 3 миэстэ Горохова М.М., Степанова Е.П. буоллулар.

Олунньу 17 күнүгэр Кэптин «Мичээр» детсада 3-4 саастаах оҕолорго ыыппыт «Пластилиновая фантазия» күрэҕэр биһиги детсадтан «Дѳлүһүѳнчээн» 2кыра бѳлѳх иитиллээччитэ Тимофеева Виолетта кыттан «Природа» номинацияҕа 1 миэстэ буолла, «Победа» номинацияҕа 1миэстэ эмиэ биһиги детсадтан Заровняев Уруйдаан, «Объемные картины» номинацияҕа Багардынов Егор 2с миэстэ буолла.

Олунньу 20 күнүгэр «Сайдыс» тѳрѳппүт кулуубун дьарыга «Будущие инженеры» диэн детсад биир сүрүн хайысхатын тематыгар ананна. Манна биһиэхэ ыалдьыттаата Сэмэн Данилов аатынан Бэрдьигэстээх орто оскуолатын роботехника учуутала Алексеев А.С., онтон салгыы детсад иһинэн тэриллибит техническай группа иитэччитэ чопчу бэйэтин саҕалаабыт үлэтин тѳрѳппүттэргэ билиһиннэрдэ, оҕолор уонна тѳрѳппүтэр оӊоһуктарын выставката киэҥ кѳрүүгэ турда, дьиэ кэргэӊӊэ оҕо техническай сатабылын сайыннарарга, дьиэ кэргэӊӊэ сѳптѳѳх эйгэни тэрийэргэ сүбэ-ама биэрдилэр.

Олунньу 21 күнүгэр детсад иһинэн строевой хаамыы  уонна патриотическай ырыаны толоруу күрэҕэ түѳрт улахан бѳлѳхтѳргѳ ыытылынна. Дьүүллүүр сүбэ (Стрекаловская С.Е. – бэрэссэдээтэл, Борисов Э.Д., Прокопьев В.Д. ) сѳптѳѳх быһаарыытынан кыайыылааҕынан «Дьэдьэннэр» бэлэмнэнии бѳлѳх оҕолоро буоллулар. Оҕолор бары олус үчүгэйдик, улахан киһилии дуоспуруннаахтык кыттаннар тэрээһин үрдүк таһымӊа ааста, тѳрѳппүттэр астынан дуоһуйан тарҕастылар. 

Олунньу 23 күнүгэр үѳрэҕирии үлэһиттэригэр сахалыы остуол оонньууларын республиканскай күрэҕэ буолан ааста. Манна биһиги детсадтан республика хас да тѳгүллээх чемпиона Барашкова Е.И.  64 киһиттэн 6с миэстэҕэ тахсан үрдүк ситиһиилэннэ.

Олунньу 25 күнүгэр улуустааҕы педагогическай ааҕыылар хас биирдии педагог үлэтин опытын түмэн киэӊ сыанабылга тарҕатар сыаллаах ыытылыннылар. Бу ааҕыыларга иитээччи Татаринова А.Н "Панорамные книги как средство развития связной речи" тематынан 3с степеннээх дипломунан, иитээччи Спиридонова М.Р. "Поликультурный подход по обучению  иностранному языку в игровой форме" тематынан 1кы истиэпэннээх дипломунан бэлиэтэнэн региональнай күрэххэ салгыы кытталларыгар рекомендация ыллылар.

Олунньу 26 күнүгэр М.Ломоносов аатынан МГУ профессордара “Растем в России” федеральнай проекка киирбиппитинэн, оҕо сайдар эйгэтин, оҕолор бэйэ бэйэлэригэр сыһыаннарын илэ харахтарынан кѳрѳ-истэ кэлэн бардылар. Ол курдук, күн устата группаларга киирэн дьарыктары, күннээҕи олоҕу, кэтээн кѳрүүлэри ыыттылар, коллективы кытта тѳгүрүк остуол тула туһааннаах боппуруостары ырытыстыбыт, инникитин бииргэ ыкса сибээстэхтик үлэлэһэргэ сүбэлэстибит.

2019 сыл олунньутугар республиканскай строевой ырыа уонна хаамыы күрэҕэр детсадпыт командата 1кы миэстэни ылан кѳһѳ сылдьар кубок хаһаайына буолбута. Онон быйыл олунньу 27 күнүгэр улуустааҕы строевой маршировка күрэҕин улууска Патриотизм, Россияҕа Улуу Кыайыы 75 сылыгар анаан тэрийэн ыыттыбыт. Барыта 6 команда кыттан детсадтарын чиэһин кѳмүскээтилэр. Тыӊааһыннаах киирсии түмүгүнэн биһиги детсад командата эрэллээхтик бастаата,  2с  миэстэни “Туллукчаана” оҕону сайыннарар киин (Маҕарас), 3с миэстэни “Радуга” детсад (Бэс күѳл) ыллылар. Бу күрэххэ биһиэхэ күүс-кѳмѳ буолбут тѳрѳппүт сэбиэтигэр (бэрэссэдээтэл Прокопьева М.А.), улуус социальнай политика отделын начальнигар Васильева К.М.,  улуус физкультура и спордун управлениетын начальнигар Александров А.А. улахан махталбытын тиэрдэбит уонна инникитин маннык курдук ыкса сибээстээхтик үлэлиэхпит диэн эрэнэбит.

«Мастерская педагогических идей» улуустааҕы авторскай методразработка күрэҕэр «Тыл сайдыыта» номинацияҕа детсад логопеда Санникова А.В. 1кы миэстэни ылла, иитээччи Спиридонова М.Р. 2с миэстэҕэ, психолог Алексеева М.И. 3с миэстэҕэ тигистилэр.

Олунньу 28 күнүгэр оскуолаҕа киириэн иннинэҕи саастаах оҕолору үѳрэхтээһин Саха республикатыгар тэриллибитэ 100 сылын кѳрсѳ детсад иһинэн «Лучшая педкопилка 2020» күрэх ыытылынна. Күрэх бары ирдэбиллэригэр эппиэттиир педкопилкалаах иитээччи Аргунова А.М. кыайыылаах буолла. Онтон үрдүк бааллаах иитээччи Оленова Н.К. 2с миэстэ, 3 миэстэҕэ тэӊ бааллаах Дунаева Р.Е., Санникова А.В. таҕыстылар. Кыттыбыт педагогтар методкабинет грамотатынан, сэмэй бэлэхтэринэн бэлиэтэннилэр

Просмотров: 34 | Добавил: saina | Дата: 24.04.2020 | Комментарии (0)

Тохсунньу ыйдааҕы иһитиннэрии

 Тохсунньу 13-17 күннэригэр сылын аайы ыытылларын курдук «Неделя безопасности» ыытылынна. Бу нэдиэлэ чэрчитинэн “Соблюдаем правила дорожного движения” диэн уруһуй күрэҕин ГИБДД үлэһиттэрин кытта тэрийдибит. Манна 1кы миэстэни “Дьэдьэннэр” бэлэмнэниии бѳлѳх иитиллээччитэ Негнюрова Айгылаана,   2 миэстэни Павлов Максим, 3 м “Чуоранчык” бэлэмнэнии бѳлѳхтѳн Платонова Аина ыллылар. Кыттыбыт оҕолорго барыларыгар ГИБДД үлэһиттэрэ сэмэй бэлэхтэрин туттардылар. “Осторожно огонь” уруһуй күрэҕин Горнайдааҕы пожарнай чааһы кытта ыыттыбыт, уопсайа 12 оҕо кытынна . Ону таһынан бу үѳһээ этиллибит тэрилтэ үлэһиттэрэ оҕолорго сэрэхтээх буоларга ѳйдѳтѳр бэсиэдэлэри билиһиннэрдилэр. “Будущие пожарные” сүүрүүлээх-кѳтүүлээх эстафетаҕа бэлэмнэнии бѳлѳх оҕолоро икки командаҕа хайдан кытыннылар уонна түмүккэ доҕордоһуу кыайда.

Тохсунньу 17 күнүгэр детсад педагогтарыгар «Оҕо дьоҕура сайдар эйгэтин сѳптѳѳхтүк туһаныы» диэн темаҕа олус туһалаах семинар-практикум ыытылынна. 2018-2019 үѳрэх сылыгар 3с этээскэ тэриллибит эйгэни педагогтар практически хайдах туһаналларын кѳрдѳрѳ-кѳрдѳрѳ кэпсээтилэр, кыаллыбат-ыарырҕатар боппуруостары быһаарыстыбыт. Ханнык баҕар үлэҕэ киһи үѳрэнэн сайдар.

Тохсунньу  25 күнүгэр биһиги улууска Саха Сирин биир биллиилээх повара Иннокентий Тарбахов кэлэн мастер-класс кѳрдѳрѳн, үрдэтинэр курстары ыытан барда. Биһиги детсад повардара бу курска сылдьан ас астыырга саӊаны биллилэр-кѳрдүлэр, бэйэлэрин разрядтарын үрдэттилэр, ол курдук Иванова Н.И. 5 разрядка, Парфенова П.С., Степанова М.П. 4 разрядка туттардылар. Олус туһалаах курстар ѳссѳ да буолалларын күүтэбит.

Тохсунньу 30 күнүгэр детсад тѳрѳѳбүт күнүгэр анаан тѳрѳппүттэр ортолоругар "Сардаана сибэкки" оӊоһук күрэҕэ ыытылынна. Талба талааннаах тѳрѳппүттэрбит араас материалтан, араас техниканы туһанан объемнай гына бииртэн биир кэрэ тупсаҕай кѳстүүлээх сардааналары оҥорбуттара киһини эрэ үѳрдэр. Онон кыайыылааҕы быһаарар олус уустук буолбута. Манна уопсайа 16 тѳрѳппүт кыттыыны ылла. 1 миэстэни Иванова Л.А., 2 миэстэни Александрова А.В., 3 миэстэни Захарова О.Ф. ыллылар.

Тохсунньу 30 күнүгэр үгэскэ  кубулуйбут оҕолорго уонна үлэһиттэргэ биир бэлиэ күнүнэн - детсадпыт тѳрѳѳбүт күнүн бэлиэтээтибит. Ол курдук, мустубут оҕолорго кѳрдѳѳх-нардаах оонньуулары биһиги иитээччилэрбит тэрийэн ыыттылар, араас ырыа-үӊкүү бу күнү киэргэттилэр. Уонна оҕолорго саамай үѳрүүлээх түгэнинэн повардарбыт оӊорбут минньигэс тортарын сиэһин, бырааһынньыктааҕы салют буолла.

Тохсунньу 31 күнүгэр физинструктор Яковлева С.И. республика физкультура учууталларыгар ыытыллыбыт курска сырытта, мастер-класстары, лекциялары кѳрдѳ-иһиттэ, бэйэтин профессиональнай таһымын үрдэтиннэ.

 

 

Просмотров: 41 | Добавил: saina | Дата: 24.04.2020 | Комментарии (0)

Ахсынньы ыйдааҕы иһитиннэрии

 Ахсынньы 9-13 күннэригэр тѳрѳппүттэргэ аһаҕас аан күннэрэ ананан тэрилиннилэр. Бу күннэргэ тѳрѳппүттэр оҕолоро хайдах таһымнаахтык сайдан иһэллэрин, дьарыкка тѳһѳ актыыбынайдык кытталларын билэр сыаллаах кэлэн кѳрдүлэр.

Ахсынньы 11 күнүгэр улуустааҕы “Аҕам, ийэм уонна мин – спортивнай дьиэ кэргэн” күрэххэ 4 дьиэ кэргэн кыттыыны ылла. Биһиги детсад чиэһин детсад иһинэн ыытыллыбыт күрэх кыайыылаахтара -Петровтар дьиэ кэргэн кѳмүскээн 1кы бочуоттаах миэстэҕэ таҕыстылар уонна Републиканскай күрэххэ улуус бастыӊ спортивнай дьиэ кэргэн аатынан кыттыахтара.

Ахсынньы 13-16 күннэригэр иитээччи Дунаева Р.Е., эти-хааны сайыннарыы салайааччыта Яковлева С.И. бастакы Бүтүн Россиятааҕы оскуола иннинээҕи тэрилтэлэр профессиональнай таһымнарын кѳрүү-күрэҕэр ситиһиилээхтик кыттан, үлэлэрин опытын тарҕатан, маннык детсад баар эбит дэттэрэн, биир идэлээхтэригэр билиһиннэрэн кэллилэр. Россия бары регионнарыттан отуттан тахса күрэхтэһээччи кэлбититтэн биһиги педагогтарбыт 5-6 миэстэҕэ тиксэн үѳрүүлэрэ муӊура суох ону таһынан “Трудовая Слава России” үрдүк знагынан наҕараадаланнылар.

Ахсынньы ыйга детсад иһинэн тэриллибит Театр хоһун байытар сыаллаах “Театральная гостиная” акция үлэһиттэр кѳмѳлѳрүнэн ыытылынна. Акция түмүгүнэн уопсайа 6950солк харчынан, ону таһынан маскарад, театр атрибуттарын араас кѳрүӊэ, театр элбэх кѳрүӊэ (остуол театра, тарбах театра, күлүк театра,марионетка театра о.д.а)  киирдэ уонна оҕону театр эйгэтигэр уһуйарга сѳптѳѳх усулуобуйа тэрилиннэ.

Ахсынньы  20 күнүгэр “Сайдыс” тѳрѳппүт кулуубун анал дьарыга “Оҕо психологическай доруобуйата” диэн темаҕа буолла. Бу дьарыкка биһиги ыалдьыппыт улууспут иһинэн үлэлиир Центр психолого-педагогическай поддержки семьи психолога Дьячковская С.С. кэлэн мустубут тѳрѳппүттэргэ оҕо ис уйулҕатын чэбдигирдии, харыстааһын туһунан олус туһалаах интириэһинэй иһитиннэриини оӊордо,  сонно тутатына сѳптѳѳх анал сүбэ-ама биирдиилээн тѳрѳппүккэ биэрдэ. Дьарык практическай чааһыгар илиитигэр талба талааннаах педагогпут – логопед Санникова А.В. кэлэн иһэр оҕо-аймах күүтэр бырааһынньыгар бэлэмнэнэн тѳрѳппүттэргэ дьиэлэригэр оҕолорун кытта дьарыктаналларыгар мастер-класс кѳрдѳрдѳ, тѳрѳппүттэр элбэҕи билэн-кѳрѳн, истэн астынан тарҕастылар

 Ахсынньы 20 күнүгэр Анна Николаевна уонна Дмитрий Дмитриевич Агеевтар дьиэ кэргэннэрин кѳҕүлээһининэн сылын аайы ыытыллар Тымныы оҕонньор бирииһигэр улахан бѳлѳх оҕолоругар мас тардыһыы күрэҕэ буолла. Манна уопсайа сүүрбэттэн тахса оҕо кытынна. Күрэх кыргыттар уонна уолаттар диэн арахсан ыытылынна. Кыттыбыт оҕолорго Агеевтар дьиэ кэргэн бэйэлэрэ туруорбут сэмэй бэлэхтэрин, кыайыылаахтарга анал бириистэрин туттардылар.

Ахсынньы 20 күнүгэр Улуус баһылыгын “Бастыӊтан бастыӊнар” диэн сылы түмүктүүр мероприятиетыгар детсадпыт улууска оскуола иннинээӊи саастаах оҕолору иитиигэ-сайыннарыыга бастыӊ кѳрдѳрүүлээх үлэтин иһин «Бастыӊ оскуола иннинээӊи тэрилтэ - 2019г.» номинацияны ылан 20 тыһ сууммалаах сертификатынан наҕараадаланныбыт. Манна сэбиэдиссэйбит Белолюбская Е.М. сатабыллаах салайыыта, хас биирдии үлэһит үтүѳ суобастаах, кыһамньылаах үлэтин түмүгэ кѳһүннэ.

Быйылгы Кутуйах сылын кѳрсѳ тѳрѳппүт сэбиэтин тэрийиитинэн “Муус оӊоһук” күрэҕэ 7 бѳлѳх икки ардыгар ыытылынна.1 миэстэни  “Дьэдьэннэр” бэлэмнэнии бѳлѳх тѳрѳппүттэрэ оӊорбут “Золушка түүппүлэтэ уонна кутуйах” композиция ылла, 2с миэстэни “Сир симэхтэрэ” орто бѳлѳх “Колобок” композиция, 3с миэстэни “Току-току” орто бѳлѳх “Теремок” композициялара ыллылар. Кыайбыт уонна кыттыбыт бары бѳлѳхтѳргѳ тѳрѳппүт сэбиэтин анал бирииһинэнэн наҕараадаланнылар.

Ахсынньы 25 күнүгэр “Лучший воспитатель Якутии - 2019 ” республиканскай дистанционнай күрэххэ иитээччилэр Татаринова А.Н., Семенова Н.И. үрдүк таһаарыылаах үлэлэрин сыаналатан, ситиһиилээхтик кыттан 1кы уонна 2с истиэпэннээх Дипломан аатын ыллылар. 

Ахсынньы  25-26 күннэригэр “Символ года - мышка” үгэскэ кубулуйбут тѳрѳппүт уонна оҕо оӊоһугун  күрэҕин түмүгэ таҕыста. Манна 7 бѳлѳхтен үстүү тѳрѳппүт кытынна уонна хас биирдии бѳлѳхтѳн кыайыылаахтар быһаарылыннылар, ол курдук 2с кыра “Дѳлүһүѳнчээн” бѳлѳххѳ кыайыылааҕынан буолла Семенов Пр. И., “Току-току” орто бѳлѳххѳ - Мордискина Е.М., “Сир симэхтэрэ” орто бѳлѳххѳ – Попова С.Е., “Чэмэлиидэ” улахан бѳлѳххѳ – Махарова А.В., “Ньургуһун” улахан бѳлѳххѳ – Отова М.А., “Чуораанчык” бэлэмнэнии бѳлѳххѳ – Захарова Т.И., “Дьэдьэннэр” бэлэмнэнии бѳлѳххѳ – Александрова Н.И. Кыттыбыт бары тѳрѳппүттэргэ тѳрѳппүт сэбиэтэ сэмэй бэлэҕин туттарда

Ахсынньы 26 күнүгэр “Колокольчик” оҕону сайыннарар киин тэрийиитинэн  улуустааҕы Даниловскай ааҕыы күрэҕэр 6 оҕо кыттыбытыттан  “Току току” орто бѳлѳх иитиллээччитэ Рожин Эрсан 2с истиэпэннээх  Лауреат үрдүк аатын ылла.

Ахсынньы 30 күнүгэр “Ырыа–эн дойдуӊ симэҕэ” II Республиканскай интерактивнай ырыа куонкуруһугар детсадпыт “Чуораанчык” бѳлѳх ансаамбыла (салайаччылар Степанова Е.П, Дунаева Р.Е.) Гран-При үрдүк чиэскэ тигистэ.

Просмотров: 35 | Добавил: saina | Дата: 24.04.2020 | Комментарии (0)

Сэтинньи ыйдааҕы иһитиннэрии 2019с.

Сэтинньи 7 күнүгэр детсад төрөппүтүн сэбиэтин бастакы тэрээһин түмсүүтэ буолла. Быйылгы үөрэх дьылыгар үлэ былаанын, сэбиэт састаабын чуолкайдастыбыт. Бэрэссэдээтэлинэн “Дөлүһүөнчээн” бөлөх төрөппүтэ Прокопьева М.А. үлэлии хааларыгар 100% бигэргэттибит.

Сэтинньи 15-16 күннэригэр Саха Өрөспүүбүлүкэтин Үөрэҕин министерствотын Департаменын бэрэбиэркэтин ситиһиилээхтик аастыбыт.

Сэтинньи 22 күнүгэр биһиги детсадпыт тарбаҕар талааннаах, биир бастыҥ педагога Санникова А.В. "Уран уус түһүлгэтигэр - эдэр ыччат" диэн улуустааҕы эдэр маастардар күрэхтэригэр кыттан "Кылаан аат" диэн аат иҥэриллэн кыайыылааҕынан буолла.

Сэтинньи 22 күнүгэр социально-реабилитационнай киин сылын аайы ыытар акциятыгар актыыбынайдык кыттабыт. Биһиги иитээччилэрбитин үтүө дьыаланы оҥорорго үөрэтэбит, кытыннарарга дьулуһабыт. Быйылгы акция түмүгүнэн махтал суругунан бэлиэтэннибит.

.

Сэтинньи 25-28 күннэригэр детсадпытыгар сылын аайы бэлиэтэнэр саха тылын уонна фольклорун нэдиэлэтэ ыытылынна. Нэдиэлэ устата оҕолор саха фольклорун көрүҥнэрин (остуоруйалар, таабырыннар, олоҥхо, чабырҕах, өс хоһоонноро о.д.а), саха аһын-таҥаһын, аһын-үөлүн, олоҕун-дьаһаҕын кытта билистилэр, элбэҕи саҥаны биллилэр.

 

Сэтинньи 28 күнүгэр эти-сиини чэбдигирдэр, чөл доруобуйа туһунан билиһиннэрэр сыаллаах Доруобуйа күнэ ыытылынна. Детсад үлэһиттэригэр сарсыардааҥҥы зарядканы педагогпут Яковлев В.И. ыытта. Бу күн оҕолор элбэхтик хамсаныылаах оонньууларга, спортивнай күурэхтэргэ кытыннылар.

 

Сэтинньи 28 күнүгэр детсад иһинэн "Аҕам, ийэм уонна мин - спортивнай дьиэ кэргэн" күрэх ыытылынна. Манна бастыҥ спортивнай дьиэ кэргэттэр: "Дьэдьэннэр" бэлэмнэнии бөлөхтөн Петров Саргылаан төрөппүттэринээн Павел Алексеевичтыын, Марфа Васильевналыын, Сидоров Семен төрөппүттэринээн Григорий Григорьевичтыын, Анна Семеновналыын, "Чуоранчык" бэлэмнэнии бөлөхтөн Егоров Елизар төрөппүттэринээн Максим Федоровичтыын, Ангелина Евгеньевналыын, Константинов Мартен төрөппүттэринээн Игорь Васильевичтыын, Дария Алексеевналыын кытыннылар. Тыҥааһыннаах күрэхтэһии түмүгүнэн кыайыылааҕынан Петровтар дьиэ кэргэн таҕыстылар уонна улуснай "Аҕам, ийэм уонна мин - спортивнай дьиэ кэргэн" күрэххэ кыттар үрдүк чиэскэ тигистилэр.

Просмотров: 104 | Добавил: saina | Дата: 24.12.2019 | Комментарии (0)

Алтынньы ыйдааҕы иһитиннэрии

Биһиги детсад коллектива Аҕам саастаахтар күннэригэр бэтэрээн үлэһиттэрбитин сыл аайы чиэстиибит. Ол курдук алтынньы 2 күнүгэр профсоюзпут бэтэрээннэрбитигэр Павлова М.Е., Андреева М.Д., Попова Р.Е. сэмэй бэлэхтэри, эҕэрдэ суруктары туттарда.

Алтынньы 3 күнүгэр бастакы доврачебнай медицинскай көмөнү сөптөөхтүк оҥорорго суһал көмө бырааһа үөрэттэ. Бу үөрэтиигэ оҕолору кытта алтыһар үлэһиттэр бары 100% хабылынныбыт уонна ону туоһулуур удостоверение туттубут.

 

Алтынньы 9 күнүгэр «Күһүҥҥү корзина» диэн төрөппүттэргэ ыытыллыбыт айылҕа матырыйаалыттан оҥоһук выставка түмүгэ таҕыста. Олус мындыр, уус, фантазиялаах төрөппүттэргэ актыыбынай кыттыыларын иһин сертификат туттардыбыт.

 

Алтынньы 11 күнүгэр саҥа кэлбит оҕолору уонна кинилэр төрөппүттэрин детсад коллективыгар киирбиттэрин чиэстиир үгэскэ кубулуйбут бырааһынньыкпыт буолла. Саҥа оҕолорго өйдөбүнньүк мэдээллэри, төрөппүттэргэ туоһу суруктары туттардыбыт, эҕэрдэ нүөмэрдэри бэлэхтээтибит.

Алтынньы 18-19 күннэригэр биһиги улууска "Бриллиантовые нотки" VII Аан дойдутааҕы фестиваль-конкурс чэрчитинэн VII "Первые шаги" республиканскай күрэх ыытылынна. Бу күрэххэ "Веселая гимнастика" кыргыттара (салайааччылар: физинструктор Яковлева С.И., иитээччи Дунаева Р.Е.) "Хореография" номинацияҕа Гран-при кыайыылаахтарынан буоллулар. "Дьэдьэннэр" уонна "Чуораанчык" бэлэмнэнии, "Чэмэлиидэ" улахан бөлөхтөр иккис истиэпэннээх Лауреат Дипломун тутан үөрүүбүт үксээтэ.

Алтынньы 22 күнүгэp Горнай улууһугар Профсоюзтар Федерацияларын күнэ тэриллэн ыытылынна. Бу күн биир үөрүүлээх түгэнинэн детсадпыт иитээччитигэр Татаринова А.Н. Саха Өрөспүүбүлүкэтин профсоюзтарын Федерациятын бэрэдсэдээтэлиттэн Дегтярев Н.Н. профком үлэтигэр үтүө суобастаах үлэтин уонна актыыбынай кыттыытын иһин махтал суругунан бэлиэтэннэ.

Алтынньы 23 күнүгэр төрөппүт уопсай мунньаҕа буолла. Мунньахха төрөппүттэр быйылгы үөрэх дьылыгар иитии-үөрэтии үлэтин кытта уонна тэрилтэ үлэтигэр тирэҕирэр нормативнай докумуоннарын билистилэр.

 

  •  
  •  
  •  
  •  
  •  
  •  
  •  
  •  
  •  

Алтынньы 31 күнүгэр консультативнай пууҥҥа детсадынан хабыллыбатах үһүгэр дылы саастаах оҕолор төрөппүттэрэ быйылгы үөрэх дьылыгар хабылыннылар. Кинилэргэ сыл устата оҕону детсадка кэлэригэр бэлэмнииргэ араас хабааннаах консультациялар, субэлэр-амалар специалистар өттүлэриттэн оҥоһулллуоҕа, ону таһынан оҕолорун кытта детсад иһинэн ыытыллар мероприятиеларга, бырааһынньактарга сылдьыахтара.

 

 

Просмотров: 77 | Добавил: saina | Дата: 05.11.2019 | Комментарии (0)

Балаҕан ыйын 4 күнүгэр детсадпытыгар быйылгы үөрэх дьылыгар үөрэ-көтө оҕолору көрүстүбүт. Уопсайа 47 саҥа оҕо кэллэ.

Быйыл биһиэхэ 4 саҥа үлэһиттээхпит: инструктор по гигиеническому воспитанию Олесова А.Н., эбии үөрэхтээһин педагога Яковлев В.И уонна иитээччи көмөлөһөөччүлэрэ Стручкова А.А., Николаева Н.Л.

Балаҕан ыйын 12-13 күннэригэр Горнай улууһун үөрэҕириитин үлэһиттэрин сүбэ мунньаҕа буолан ааста. Бастакы күҥҥэ "Осенний калейдоскоп" диэн ярмаркаҕа ситиһиилээхтик кыттан "Самый большой овощ" номинацияҕа иккис уонна «Осеннее изобилие» номинацияҕа үһүс миэстэлэри ылан дипломунан наҕараадаланныбыт. Иккис күҥҥэ детсад үлэтин сүрүн хайысхаларынан проект көмүскээһинэ буолла,  пленарнай чааска сыллааҕы үлэ торумун иһиттибит.

Балаҕан ыйын 20-21күннэригэр «Реализация ФГОС в работе с детьми с ОВЗ» диэн олус туһалаах проблемнай курс буолла. Биһиги детсадка инвалид уонна доруобуйаларыгар хааччахтаах (ОВЗ) оҕолор элбээн иһэллэринэн сибээстээн 2 иитээччи бу үөрэххэ сылдьан үлэлэригэр туһанарга элбэҕи иһиттилэр, профессиональнай таһымнарын үрдэттилэр.

Оҕо библиотекатын кытта ыкса сибээстээхтик үлэлиибит. Бу күн библиотека үлэһиттэрэ оҕолорго билиһиннэрэр бэсиэдэлэри кэлэн

кэпсээтилэр, саҥа тахсыбыт оҕо кинигэлэрин кырачааннарга көрдөрдүлэр

Балаҕан ыйын 23 күнүттэн саҕалаан алтынньы 4 күнүгэр дылы «Сосенки в нашем участке» акция детсадпыт тиэргэнин төгүрүччү сыл күөх турар үүнээйилэринэн байытар, оҕолору айылҕаны таптыырга иитэр сыаллаах ыытылынна. Манна төрөппүттэрбит барыта 56 бэс маһы олордон детсадпыт тулата тупса көҕөрдө. Кыттыбыт төрөппүттэргэ улахан махталбытын тиэрдэбит.

 

Балаҕан ыйын 28-29 күннэригэр Горнай улууһун детсадтарын педагогтарыгар педагогическай үөрэхтээһин наукатын Международнай академиятын академига Комарова И.И. кэлэн семинар ыытта. Биһиги детсадтан 6 педагог сылдьан үөрэхтэрин таһымын үрдэттилэр. Детсад инновационнай үлэтин билиһиннэрдибит уонна салгыы сайдарыгар сөптөөх сүбэ-ама биэрэн махталбыт улахан.

Балаҕан ыйын 30 күнүгэр оскуола иннинээҕи үөрэҕирии үлэһиттэрин күнүгэр аналлаах тэрээһиҥҥэ Саха Өрөспүүбүлүкэтин Үөрэҕин миниистирэ Егоров В. А. үөрүүлээх быһыыгага-майгыга Бүтүн Россиятааҕы «Россия бастыҥ детсадтара» күрэххэ кыайыылаах буолбуппут туһунан иһитиннэрдэ уонна министерство аатыттан бэлэх туттарда.

 

Просмотров: 59 | Добавил: saina | Дата: 22.10.2019 | Комментарии (0)

  • Ыам ыйын 6-7 күннэригэр биһиги детсад базатыгар улуустааҕы «Бастыҥ иитээччи 2019» күрэх буолан ааста. Күрэххэ биһиги улуус бастыҥ алта иитээччилэрэ күөн көрүстүлэр: «Сардаана», «Кырачаан ымыылар», «Родничок», «Олоҥхо кэскилэ» (Бердигестях), «Колокольчик» (Мытаах), «Ромашка» (Ерт). Биһиги детсадтан 20 сыл педстажтаах иитээччи Семенова Н.И. кытынна. Күрэх 2 кун устата буолла, ол курдук заочнай уонна очнай этаптарынан ыытылынна. Түмүккэ «Бастыҥ иитээччи 2019» үрдүк ааты Мытаах иитээччитэ Егорова Н.А. ылла, заочнай этап кыайыылааҕынан Семенова Н.И. буолла, «Творческий педагог» номинация ананна «Кырачаан ымыылар» иитээччитигэр Софронеева А.П.
  • Ыам ыйын 8 күнүгэр биһиги детсадка үгэскэ кубулуйбут Улуу Кыайыы күнүгэр аналлаах хоһооммут күрэҕэ ыытылынна. Күрэххэ оҕолор хоһоон тылын нойосуус билэллэрин, хомоҕойдук аа5алларын, күрэх тематыгар анал көстүүмнээхтэрэ сыаналанна. Түмүккэ кыра бөлөххө кыайыылааҕынан Алексеев Тимур, улахан бөлөххө Антонов Алеша буоллулар.
  • Ыам ыйын 17 күнүгэр биһиги педагогтарбыт Спиридонова М.Р., Тимофеева В.И. «Туллукчаан» детсад (Дьокуускай куорат) омук тылыгар оҕону уһуйар үлэлэрин опытын көрөн-истэн, туһалааҕы билэн, опыт атастаһан кэллилэр.
  • Ыам ыйын 17 күнүгэр «Сайдыс» төрөппүт кулуубун быйылгы үөрэх дьылыгар бутэһик дьарыга «Оскуолаҕа барарга бэлэммит дуо?» диэн темаҕа буолла.Манна алын кылаас оскуолатын элбэх сыл уопуттаах учууталлара Стручкова В.А., Романова Е.И., Васильева А.Е. теөрөппүттэргэ сөптөөх сүбэ-ама биэрдилэр, экспресс тест ыытан төрөппут бэйэтэ уонна оҕото оскуолаҕа бэлэммин быһаарарыгар көмөлөстүлэр. Ону таһынан сыл бастыҥ үөрэнээччилэрин эҕэрдэ нүөмэрдэрин көрдүлэр (учуутал Васильева А.Е.).
  • Ыам ыйын 18 күнүгэр «Веселая гимнастика» иитиллээччилэрэ (салайааччы Яковлева С.И., Дунаева Р.Е.) республиканскай «Весна в кроссовках» спортивнай хореография күрэҕэр кыттан «Танец с предметами» номинация5а 1 миэстэ, «Бэби кап» категория5а 1 миэстэ буолан улахан ситиһиилэнэн кэллилэр. Уонна жюри председателын анал бирииһин ылар чиэстэннилэр.
  • Ыам ыйын 20 күнүгэр Горнайдааҕы ГИБДД үлэһиттэрэ оҕолорго профилактическай сааскы бэсиэдэ ыыттылар, суолга сэрэхтээх буолуу туһунан өйдөттүлэр.
  • Ыам ыйын 24 күнүгэр «Быраһаай детсад» бырааһынньык буолла. Быйыл оскуолаҕа 32 оҕону атаардыбыт. Бу күн үгэс курдук саамай актыыбынай төрөппуттэри, бастыҥ көрдөрүүлээх, ситиһиилээх оҕолору чиэстээтибит, хас биирдии оҕоҕо анал ааттар, өйдөбүнньүк бэлэхтэр туттарылыннылар.
  • Ыам ыйын 28 күнүгэр отчуотнай концерт төрөппүттэр иннилэригэр тэрилиннэ. Манна сыллааҕы үлэҕэ түмүгэ таҕыста.
  • Бэс ыйын 1 күнүгэр оскуола иннинээҕи саастаах оҕолорго ыытыллыбыт комплекснай спартакиада 2 этабыгар биһиги детсад оҕолорун командата бастакы миэстэни ылла (эстафета).  Манна физинструктор Яковлева С.И., иитээччи Дунаева Р.Е. таһаарыылаах, ситимнээх үлэлэрин түмүгэ, Васильев А.П. күүстээх көмөтө, профессиональнай сүбэтэ көһүннэ.
  • Бэс ыйын 1 күнүгэр Оҕо күнүгэр аналлаах «Сир симэҕэ» кырачаан кыргыттар күрэхтэригэр биһиги детсадтан Прокопьева Сайаана уонна Алексеева Алиссия кытыннылар. 5 этаптаах күрэх түмүгүнэн Прокопьева Сайаана кыайыылааҕынан буолла.
Просмотров: 86 | Добавил: saina | Дата: 06.07.2019 | Комментарии (0)

  • Муус устар 2 күнүгэр детсад үлэтин республикаҕа тар5атар сыаллаах «Профессиональное развитие педагога, как условие повышения качества ДОУ» диэн авторскай семинар ыытылынна. Уопсайа 60ча педагог Уус-Алдан, Кэбээйи, Ньурба, Нам, Горнай уонна Дьокуускай куораттан кэлэн аһаҕас дьарыктары, бастыҥ педагогтар мастер-класстарын, үлэ опытын көрдүлэр-иһиттилэр.
  • Бу күн детсадпыт многофункциональнай киинэ үөрүүлээх быһыыга-майгыга арылынна. Кииҥҥэ оҕо бары өттүнэн сайдарыгар сөптөөх эйгэ баар буолла, ол курдук, Саха Сирин бастакы президенэ М.Е. Николаев ыйбыт сүрүн хайысхалара: уруһуй, саахымат, конструирование о.д.а.  оҕо бэйэтэ сөбүлээн талан дьарыктанарыгар элбэх усулуобуйа тэрилиннэ.
  • Муус устар 11 күнүгэр улуустаа5ы оскуола иннинээҕи саастаах оҕолорго спартакиада 1 этаба буолла. Күн бастакы аҥарыгар оҕолор оҕунан ытыыга уонна наарта ойууга күрэхтэстилэр. Манна уопсай түмүгүнэн детсадпыт командата 1 миэстэни ылары ситистэ. Күн иккис аҥарыгар сахалыы  остуол оонньууларыгар биһиги детсад оҕолорун хамаандата эмиэ 1 миэстэни ылан үөрүүбүт үрдээтэ. Бу детсадпыт куруук тэрийэн ыытар күрэҕэр оҕолору бэлэмнээбит педагогтар Яковлева С.И., Дунаева Р.Е., Оленова Н.К. уонна Белолюбскай Дь.Е., Барашкова Е.И., Иванова Н.Н. дьаныардаах, ситимнээх үлэлэрэ көьүннэ уонна дакаастанна.
  • Муус устар 12 күнүгэр С.А.Зверев – Кыыл уола  аатынан уҥкуу театрын артыыстара Театр сылын чэрчитинэн оҕолорго «Три поросенка» остуоруйаны кэлэн көрдөрдүлэр. Оҕолор остуоруйаны олус кэрэхсээн-сэргээн көрдүлэр. Артыыстар үрдук таһымнарын көрөн үөрдүбүт, астынныбыт.
  • Муус устар 16 күнүгэр Сомоҕолоһуу сылын чэрчитинэн «Родничок», «Олоҥхо Кэскилэ» холбоһуктаах аһымал кэнсиэргэ актыыбынай кыттыыны ыллыбыт. Киирбит үп «Крепыш» детсад ремонугар көмө5е ананна.
  • Муус устар 19 күнүгэр улахан бөлөх оҕолоро кинигэҕэ тапталы, интириэһи үөскэтэр сыаллаах оҕо библиотекатыгар экскурсияҕа сырыттылар.
  • Бу күн «Сайдыс» төрөппүт кулуубун дьарыга буолла. Кэлбит төрөппүттэргэ теоретическай чааһыгар оонньуу улахан суолтатын туһунан психолог Алексеева М.И. иһитиннэрдэ, логопед Санникова А.В. практическай оонньуулары төрөппүттэри кытта оонньоон көрдөрдө. Ону таһынан билингвальнай детсад  буоларбыт быһыытынан иитиллээччилэр музыкальнай номердары көрдөрдүлэр.
  • Муус устар ыйга «Родничок» детсад тэрийэн ыыппыт «Открываем театральный сезон» улуус таһымнаах  заочнай күрэххэ детсаппыт оҕолорун «Три поросенка» остуоруйалара кыттан 2 миэстэни ылла (салайааччылар Спиридонова М.Р., Тимофеева В.И.)
  • Муус устар 22-23 күннэригэр «Прощай батарейка» акция детсад оҕолоругар уонна үлэһиттэригэр ананан ыытылынна. Туттуллан бүппүт батарейка буортутун оҕолорго өйдөтөр сыаллаах, уонна сир күнүгэр ананан тэрилиннэ. Бу кун Аан дойдутааҕы Сир күнүн чэрчитинэн Горнайдааҕы лесхоз инспектора Алексеева И.Н. оҕолорго «Батарейка айылҕаҕа буортута» диэн үөрэтэр-билиһиннэрэр бэсиэдэ ыытта.
  • Муус устар 24 күнүгэр Васильев А.П. бирииһигэр уонна кини күҕулээһининэн детсад иһинээҕи дуобат  күрэҕэ ыытылынна. Манна улахан уонна бэлэмнэнии бөлөх оҕолоро кытыннылар. Улахан бөлөххө  Саввин Сандал 1 миэстэ, Кокорев Никита 2м.,  Бурнашев Саян 3 м. буоллулар. Бэлэмнэнии бөлөх оҕолорун ортолоругар уолаттарга: 1 м Антонов Алеша, 2м. Санников Стасик, 3 м. Парников Лев, кыргыттарга: 1м. Захарова Кристина, 2м. Алексеева Алиссия, 3м Иннокентьева Лиана ыллылар
  • Муус устар 24 күнүгэр улуустаа5ы «Бастыҥ родкомитет» курэҕэр биһиги детсад родсовета ситиһиилээхтик кыттан «Лучшее портфолио родсовета» номинацияҕа тигистэ уонна «Прогресс» маҕаһыынтан анал бириис тутта.
  • Муус устар 25 күнүгэр Аан дойдутааҕы Сир күнүгэр анаммыт «Айылҕа доҕотторо» улуснай олимпиада5а бэлэмнэнии бөлөх иитиллээччитэ Колесова Сияна кыттан 2 степеннээх диплому ылла.
  • Муус устар 26 күнүгэр детсад иһинэн ыытыллыбыт  «Лучший долгосрочный проект» күрэххэ 1 миэстэни «Дьэдьэннэр» улахан бөлөх (иитээччилэр Спиридонова М.Р., Оленова Н.К.) проект аата «Куклы народов мира», 2 миэстэни
  • «Чэмэлиидэ» орто бөлөх (иитээччилэр Аргунова А.М., Сидорова В.П.) проект «Мир пазлов», 3 миэстэни  «Чуораанчык» бэлэмнэнии бөлөх (иитээччилэр Дунаева Р.Е., Оленова Н.К.) «Коллекция ручек» ыллылар.
  • Муус устарга детсадпыт биир бастыҥ илиитигэр дьҕурдаах педагога -логопед Санникова А.В. 11 республикатааҕы «Лоскутная мозаика Якутии» диэн выставкаҕа ситиһиилээхтик кыттан «За инновации в шитье» диэн дипломунан наҕараадаланна уонна үлэлэрэ салгыы Иваново куоракка выставкаҕа айаннаатылар.
  • «Дьэдьэннэр» улахан бөлөх иитиллээччитэ Кривошапкина Эрика Григорий Даниловка анаммыт Республикатааҕы бастакы интерактивнай заочнай хоһоон ааҕыытын күрэҕэр Лауреат 1 степени буолла.
Просмотров: 80 | Добавил: saina | Дата: 06.07.2019 | Комментарии (0)

  • Олунньу 4 күнугэр биһиги детсад тэрийбит «Счастливое детство» улуус таһымнаах уруһуй күрэҕэ түмүктэннэ. Бастакы миэстэни «Олоҥхо Кэскилэ» детсад иитиллээччитэ Иванова Вика, иккис миэстэни Захаров Ильмар («Родничок» детсад), Артамонов Леня («Кырачаан ымыылар» детсад) ыллылар. «Приз зрительских симпатий» номинация Мордовская Айыынаҕа («Олоҥхо кэскилэ» детсад) тигистэ
  • Олунньу 5 күнүгэр сыл аайы бэлиэтиирбит курдук детсадпыт төрөөбүт күнүн тэрийдибит. Оҕо сылын чэрчитинэн «Мин таптыыр детсадым» диэн уруһуй выставката оҥоһулунна, оҕолорго көрдөөх-нардаах оонньуулары-күрэхтэри детсадпыт талааннаах артыыстара-клоуннара ыыттылар, хас биирдии группаҕа минньигэс астаах повардарбыт тортары астаан күндүлээтилэр.
  • Олунньу 12 күнүгэр Февральскай семинар чэрчитинэн биһиги детсад базатыгар улуус таһымнаах семинар-практикум детсад физинструктордарыгар ананан ыытылынна. Биһиги детсад физинструктора Яковлева С.И. сахалыы хамсаныылаах оонньууларга мастер-класс көрдөрдө. Ону таһынан сахалыы остуол оонньууларыгар республика хас да төгүллээх чемпионнара Барашкова Е.И., Иванова Н.Н. бэйэлэрин сатабылларын көрдөрдүлэр, оонньуу быраабылатын быһааран өйдөттүлэр.
  • Олунньу15 күнүгэр «Великобритания – великая страна» диэн үлэһиттэр ортолоругар ыытыллыбыт акция түмүктэннэ. Акция түмүгүнэн 5700 рб киирдэ уонна «Дьэдьэннэр» английскай группа сайдар эйгэтин хаҥатыыга ананан иитээччигэ Спиридонова М.Р. туттарылынна.
  • Олунньу 18 күнүгэр Театр сылын көрсө Бэрдьигэстээх оҕо искусствотын оскуолатын театральнай кылааһын оҕолоро (салайааччы Мартынов К.Д.)  «Доктор Айболит» остуоруйаны кырачаан оҕолорбутугар көрдөрдүлэр. Көрөөччүлэр олус сэргээн-кэрэхсээн көрдүлэр, үөрдүлэр-көттүлэр.
  • Олунньу 21 күнүгэр аҕа дойду көмүскээччилэрин күнүгэр анаммыт үгэскэ кубулуйбут строевой маршировка ыытылынна. Манна үс улахан бөлөх оҕолоро кыттыыны ыллылар. Бары тэҥҥэ биир киһи курдук хаамаллара, таҥастара-саптара тэҥэ биһиги иитээччилэрбит, төрөппүттэр ыкса ситимнээхтик үлэлииллэрин көрдөрдө.
  • Олунньу 22 күнүгэр кыра уонна орто бөлөхтөргө бырааһынньыктааҕы тэрээһиннэр ыытылыннылар. Ол курдук, кырачааннар эҕэрдэ концердара, орто бөлөххө «Пиратский квест в поисках сокровища» күрэх о.д.а. интириэһинэйдик аастылар.
  • Олунньу 26 күнүгэр Кэптин бөһүөлэгэр ыытыллыбыт Республиканскай военно-патриотическай күрэххэ биһиги детсад о5олорун командата кыттан 1 миэстэни ыллылар уонна «Бастыҥ военнай форма» номинация хаһаайыттара буоллулар. Күрэххэ оҕолору бэлэмнээн уонна салайан илдьэ сырыттылар физинструктор Яковлева С.И., иитээччи Дунаева Р.Е.
  • Кулун тутар 12-14 күннэригэр детсадпыт психолога Алексеева М.И., иитээччи Семенова Н.И. Дьокуускай куоракка ыытыллыбыт оскуола иннинээҕи үөрэхтээһин үлэһиттэрин Форумугар сылдьар үрдук чиэскэ тигистилэр.
  • Кулун тутар 14 күнүгэр үгэскэ кубулуйбут Үруҥ Уолан күрэх детсад бэлэмнэнии бөлөх уолаттарыгар ыытылынна.  Манна кыайыылааҕынан Айсан Протопопов буолла.
  • Уолаттар эт-хаан өттунэн кыахтаахтарын, тулуурдаахтарын көрдөрдүлэр.
  • Кулун тутар 15 күнүгэр «Веселая гимнастика» кыргыттара (салайааччылар Яковлева С.И., Дунаева Р.Е.) улуустааҕы «Танцует Горный-2019» күрэххэ кыттан 1кы степеннээх Лауреат  уонна «Зрительская симпатия» номинация хаһаайыттара буоллуллар.
  • Кулун тутар 19 күнүгэр детсад бэлэмнэнии бөлөх кэрэ кыргыттарыгар «Сардаана Куо 2019» күрэх ыытылынна. Кырачаан кыргыттар талааннарын, сыанаҕа чэпчэкитик тутта-хапта сылдьалларын  көрдөрөллөрүн таһынан, ыйытыктарга эппиэттээтилэр. Түмүккэ «Сардаана Куо 2019» үрдүк ааты Алексеева Алиссия, «Кэрэчээнэ Куо» - Егорова Дайаана, «Мичийээнэ Куо» - Степанова Дарина, «Талаана Куо» - Колесова Сияна ыллылар.

 

 

 

Просмотров: 69 | Добавил: saina | Дата: 25.06.2019 | Комментарии (0)

1 2 3 ... 11 12 »
Вход на сайт

Поиск

Календарь
«  Сентябрь 2020  »
ПнВтСрЧтПтСбВс
 123456
78910111213
14151617181920
21222324252627
282930

Архив записей

Друзья сайта

Copyright MyCorp © 2020 Создать бесплатный сайт с uCoz