Меню сайта

Наш опрос
Оцените мой сайт
Всего ответов: 10

Статистика

Онлайн всего: 1
Гостей: 1
Пользователей: 0

Главная

Регистрация

Вход
Приветствую Вас Гость | RSS


МБ ДОУ ЦРР ДЕТСКИЙ САД №8 "САРДААНА"


Вторник, 04.08.2020, 09:31

14:07
Ахсынньы ыйдааңңы иhитиннэрии - 2017 с.
  •  Ахсынньы 7 күнүгэр төрөппүт сүбэтин уочараттаах муннађа буолан ааста. Мунньах сүрүн сыалынан Саңа Дьылга бэлэмнэнии буолла. Былаанынан ођолор саңа дьыллаађы подароктарын уонна “Лучший символ года – собачка Гав” куонкурус тэрээһинин боппуруостара көрүллүннэ.
  • Ахсынньы 8 күнүгэр Горнай улууһун психологическай центра “Тимбилдинг” диэн коллектив түмсүүтүгэр аналлаах 5 этаптаах улуснай куонкурсун ыытта. Бу манна биһиги уһуйаантан 8 педагог хамаанда туруоран кыттыыны ыллылар. Куокурус түмүгүнэн, 5 бэриллибит сорудахтары хас мүнүүтэҕэ оҥоһуллубуттарын сууммалаан таһаарбыт бириэмэлэринэн II миэстэ буолан үѳрүүбүт үксээтэ.    
  • Ахсынньы 8 күнүгэр Саха Республикатын үѳрэҕириитин министиэристибэтэ, Саха Республикатын физическай иитии уонна ыччаты спортка сыһыарыы киинэ тэрийиилэринэн Дьокуускай куоракка  оскуола иннинээҕи саастаах оҕолору иитэр-үѳрэтэр тэрилтэлэр икки ардыларыгар «Аҕам, ийэм, уонна мин – спортивнай дьиэ кэргэн» диэн Республикаҕа аан бастааан ыытыллар күрэх буолан ааста. Биһиги улууспутуттан "Сардаана" оҕону сайыннарар киин "Ньургуһун" бэлэмнэнии бѳлѳҕүн иитиллээчитэ Никифорова Варя аҕатынаан Рустам Абдусамиевичтыын уонна ийэтинээн Туяра Михайловналыын олус ситиһиилээхтик кытыннылар. Күрэх 10 этаабын чаҕылкайдык ааһан республика уһуйааннарын икки ардыгар 1 миэстэни ылан,  тэрийээччилэр сыаналаах призтарынан (8000 солк. сертификатынан), кубоктарынан, мэдээллэринэн, грамоталарынан наҕараадаланнылар эбиитин  кыайыылаах детсад спортивнай оборудование ыларга сертификат тутта.  
  • Ахсынньы 19 күнүгэр уһуйаан үлэһиттэригэр анаан эдэр педагогтарбыт пед-мастерской ыыттылар.  Безносова Т.Л. “Сутаж” техникатынан араас киэргэли хайдах оҥостуохха сөбүн көрдөрдѳ. Онтон   Винокурова А.А.  “Гиперактинвнай оҕо портретын” уонна бу оҕону кытта хайдах үлэлэһиэхтээхтэрин сиһилии кэпсээтэ. 
  • Сэтинньи ый 20 күнүттэн ахсынньы 20 күнүгэр диэри “Сардаана” оҕону сайыннарар киин улуустааҕы “Кыһын кэрэтэ” интернет нөҥүө уруһуй конкуруһун тэрийэн ыытта. Балаһыанньа быһыытынан куонкуруска улуус уһуйааннарыттан 6-7 саастаах оҕолор кытыннылар. Куонкуруска уопсайа 15 уһуйаантан 62 оҕо кыттыыны ылла. Оҕолор кыһаллан араас ньымалары туттан уруһуйдаабыттара олус кэрэхсибиллээх: батик, акварель, гуашь, пластилин. Түмүккэ дьүүллүүр сүбэ үс миэстэни анаата: I – миэстэ Мыреева Виолетта “Туллукчаана” Маҕарастааҕы оҕону сайыннарар киин иитиллээччитэ “Зимняя краса” уруһуйа, II – миэстэ Күөрэлээхтэн “Айылгы” детсадын иитиллээччитин Жирков Аман “Зимние узоры” уруһуйа, III – миэстэ  “Сардаана” уһуйааммыт “Ньургуһун” бэлэмнэнии бөлөҕүн иитиллээччитин Бурнашова Сайнаара “Зимие узоры на окне” уруһуйа. Кыайыылаахтар грамотаннан, бары кыттыбыт оҕолор сертификатынан бэлиэтэннилэр. 
  • Ахсынньы 21 күнүгэр эдэр педагогтар Безносова Т.Л. уонна Винокурова А.А. “Сардаана” детсадка үлэлээбиттэрэ толору икки сыл буолан аттестация барбдылар. Педагогтар бэрибиэркэни ыытар комиссияҕа аһаҕас дьарыгы, портфолияларын сырдатан көрдөрдүлэр. Ол таһынан бэриллибит бириэмэҕэ дьарык былаанын суруйан туттардылар. Детсад аттестационнай комиссия быһаарыытынан  164-а нүѳмэрдээх сэбиэдиссэй бирикээһинэн педагогтарга СЗД (соответствие занимаемой должности) ананна.
  • Ахсынньы 21 күнүгэр «Сардаана» оҕону сайыннарар кииҥҥэ, төрөппүттэргэ анаан ыытыллар «Сайдыс» кулууб иһинэн «Дьиэ кэргэнинэн бары үнкүүлүөҕүҥ»  диэн, Xbox приставкаҕа баар «Just dance» оонньууга олоҕуран, үнкүү конкурса ыытыллынна.  Нэдиэлэ иннинэ төрөппүттэр оҕолорун кытта кэлэн,  эрдэ бэлэмнэниллибит видеолартан, жеребьевканнан биир постановканы талан ылбыттара. Уопсайа 5 дьиэ кэргэн кыттыыны ылла. «Чуораанчык» улахан бөлөхтөн - Степановтар уонна Колодезниковтар, «Чэмэлиида» бэлэмнэнии бөлөхтөн Кривошапкиннар уонна Прокопьевтар уонна «Ньургуһун» бэлэмнэнии бөлөхтөн Алексеевтар дьиэ кэргэттэрэ.
  • Бу үнкүү конкурсун уһуйааммыт заведующая Белолюбская Елена Михайловна, хареограва Терентьева Туйгуна Ивановна уонна ыҥырыылаах ыалдьыппыт оҕо искусствотын оскуолатын хареограва Сергеева Оксана Егоровна кэлэн, 4 критерийынан сыаналаатылар. Бастатан туран үнкүү техникатын, иккиһинэн дьиэ кэргэнтэн төһө элбэх киһи кыттыыны ылбытын, үсүһүнэн төһө артыыстыылларын уонна төрдүһүнэн художественнай оформлениятын көрөн сыаналаатылар. Дьүүллүүр сүбэ түмүгүнэн «Дьиэ кэргэнинэн бары үнкүүлүөҕүҥ»  куонкурсун кыайыылааҕынан Кривошапкиннар дьиэ кэргэннэрэ буолан, грамота уонна анал бэлэх туттулар. Онтон атын активнайдык кыттыбыт дьиэ кэргэттэргэ: Алексеевтар – «Артистичная семья», Колодезниковтар – «Зажигательная семья», Степановтар – «Обаятельная семья», Прокопьевтар - «Музыкальная семья» анал ааттар ананнылар, сэмэй бэлэхтэр тутарыныллылар. 

  • Ахсынньы 21-22 күннэригэр ођолор илиилэринэн уонаа төрөппүт көмөтүнэн  оңоhуллубут араас, үчүгэй оонньуурдарынан (фонариктарынан, шариктарынан, гирляндаларынан уо.д.а.) уhуйааны киэргэтэн  Саңа дьыл аптаах салгынын ађалаллылар.
  • Ахсынньы ый 22 күнүттэн “Сардаана” фотостудия үлэтин саҕалаабыта. Уһуйааммытыгар үс тылы чинчийэн үөрэтэр буолан, онно сөп түбэһиннэрэн үс араас: “Саҥа Дьыл”, “Новый год” уонна “Merry Christmas” диэн фотозоналары детсадпыт логопеда Санникова А.В оҥордо.    
  • Ахсынньы 22 күнүгэр уhуйаан төрөппүттэригэр анаан Саңа дьылга сыhыаннаах илииннэн оңоhуллубут «Лучший символ года – собачка Гав» күрэх түмүгэ тахыста. Уопсайа күрэххэ 21 араас, интэриэhинэй, кыраhыабай, хатыламмат дьикти ыт оңоhуктара бааллар.  Дьүүллүүр сүбэ сыанабылынан I миэстэни «Дьэдьэннэр» орто бөлөх иитиллээччитин Егоров Марик ийэтэ  Розалия Семеновна араас материалынан тигиллибит “Барбоскины” мульик пероснажа ылла. II миэстэ «Чуораанчык» улахан бөлөх ођото Иннокентьева Лиана аҕатынаан Никифоров Николай Алексеевичтын дьиҥнээх ыттан уратытыа суох гына мастан кыһан оҥорбут оҥоһуга буолла. III миэстэни «Дөлүһүөнчээн» II кыра бөлөх иитиллээччитэ Александрова Айталыына ийэтин Алена Васильевналын крючогунан баайыллыбыт маҥан ыта ылла.  Уонна бары кыттыыны ылбыт төрөппүттэргэ сетификаты кытта сэмэй бэлэх туттарыллынна. Наҕараадалары оҕолор утренниктарыгар куонукрсу үбүлээбит детсад тѳрѳппүтүн сэбитэ үѳрүлээх быһыыга-майгыга туттарда.   
  •  
  • Ахсынньы 26  күнэ  саамай күүтүүлээх күнүнэн буолла. Бу күн уhуйаан барыта аптаах Саңа дьыл бырааhынньыгын салгынынан туолла. Оҕолор Тымныы Оҕонньор детсадка кэһиитин сүкпүтүнэн кэлэн иһэрин түннүгүнэн кѳрѳннѳр олус диэн  үѳрдүлэр, сүргэлэрэ кѳтѳҕүлүннэ. Саңа дьыл буоларын быhыытынан Тымныы Ођонньор сиэнин Хаарчаананы кытары бастаан кыра бөлөхтөргө тиийэн эҕэрдэ ырыаларын истэн, үнкүүлэрин көрөн астынан, оҕолорго минньигэс астаах подароктары туттартаан барда. Ол кэннэ “Сир симэҕэ” уонна “Дьэдьэн” орто бөлөх оҕолорун кытта тэҥҥэ “Хаарчаана” остуоруйаны көрөн, ођолору кытта тэңңэ ылластылар, үңкүүлэститлэр. Бэлэмнэнии бөлөхтөр “Бремен куорат музыканнара” диэн мультик геройдарын кытта  Саҥа Дьыл мүччүргэннээх сырыыларыгар түбэһэн Тымныы Оҕоннору уонна Хаарчаананы көрсөн оонньоон үөрдүлэр-көттүлэр.     
  • Ахсынньы ыйга “Сардаана” уһуйааммыт субвенция харчытынан 147600,00 тыс сууммаҕа  группаларга эбии мебеллэри ылылла. Ону таһынан “Робтотехника” кружогар анаан  50 000 сууммаҕа саҥа LEGO education WeDo набордарын ылла.  
  • Ахсынньы 14 күнүгэр Горнай улууһун үѳрэҕирии рескомун 100 сылыгар аналлаах үѳрүлээх быһыыга-майгыга биһиги детсадпытыттан профком үлэтигэр актыыбынайдык кыттар педаготар Спириднова М.Р., Белолюбская Е.М., Алексеева М.И., Яковлева С.И., Санникова А.В., Дунаева Р.Е., Татаринова А.Н, уонна тех үлэһиттэр Прокопьев В.Д. Васильева А.А. ыҥырыллан Республика Президиумун комитетын махтал суруктарынан бэлиэтэннилэр.  
  • Ону таһынан бу ахсынньы ыйга "Сардаана" оҕону сайыннарар киин бэлэмнэнии бөлөхтөрүттэн 38 оҕото Всероссийскай дошкольниктар олимпиадаларыгар кытыннылар(окружающий мир, математика, русский язык). Олимпиада түмүгүнэн       Румянцева Арина - нуучча тылыгар Федеральнай уровеньҥа I степеннээх кыайыылаах, Тобохов Сандал- ахсааҥҥа Федеральнай уровеньҥа I степеннээх кыайыылаах, Семенова Инесса  - окружающай мирга  Федеральнай уровеньҥа I степеннээх кыайыылаах, Петров Владлен, Санникова Алиса - нуучча тылыгар Лучший результат на муниципальном уровне, Максимова Сумайя, Оконешников Толя - ахсааҥҥа Лучший результат на муниципальном уровне, Павлов Толя - окружающий Победитель II на муниципальном уровне буоланнар үөрүүбүт баһаам.

 

Просмотров: 140 | Добавил: aikovinokurova2193 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт

Поиск

Календарь
«  Декабрь 2017  »
ПнВтСрЧтПтСбВс
    123
45678910
11121314151617
18192021222324
25262728293031

Архив записей

Друзья сайта

Copyright MyCorp © 2020 Создать бесплатный сайт с uCoz