Меню сайта

Наш опрос
Оцените мой сайт
Всего ответов: 10

Статистика

Онлайн всего: 1
Гостей: 1
Пользователей: 0

Главная

Регистрация

Вход
Приветствую Вас Гость | RSS


МБ ДОУ ЦРР ДЕТСКИЙ САД №8 "САРДААНА"


Вторник, 04.08.2020, 09:38

16:49
Детсад учаастага – о5о оонньуур-сайдар эйгэтэ.

Быйылгы 2015 сыл Саха Ѳрөспүүбүлүкэтигэр оскуола иннинэнээђи үөрэхтээһин сылынан биллэриллибитэ. Ол чэрчитинэн  үөрэх управлениятын кө5улээһининэн ођо тэрилтэлэрин оонньуур учаастактарын оңостуу күрэђэ тэриллибитэ. Бу күрэххэ кыттарга биһиги детсад «Страна чудес» проекпытын олоххо киллэрдибит. Бастатан туран 600 тыһыынча солкубай сууммалаах ођо оонньуур комплекстарын Канада курдук ыраах сиртэн сакаастаан ылан туруордубут. Бу комплекстар СанПиН ирдэбилигэр эппиэттэһэллэр, кыыс-уол оонньууругар ананан оңоһуллубуттар, холобур кыргыттар комплекстара ыаллаах оонньуурга усулуобуйалаах, уолаттарга эт-сиин өттүнэн сайдалларыгар ыттар-хатаастар оборудованиелаах, ођо сааһын учуоттаан үрдук-намыһах  диэн эмиэ уратылаах. Ођолорбут үөрэх дьылын көрсө маннык үчүгэй оонньуур сирдэммиттэриттэн олус астынан туран детсадка үөрэ-көтө кэлэллэр. Хата киэһэтин дьиэлэригэр барымаары үгүс төрөппүтү таһырдьа кѳрсүѳххэ сѳп. Маны таһынан детсадпыт олбуора саңалыы  кыраһыабайдык 250 тыһыынчага оңоһулунна.  Бу сүдү үлэ  олоххо киирэригэр детсадпыт учредителя, улууспут быһылыга  Андреев Никита Викторович уонна чааһынай предприниматель Попов Федор Васильевич ѳҥѳлѳрѳ муҥура суох, онон кинилэргэ улахан  махталбытын тириэрдэбит.

Күрэххэ учаастагы байытарга  балаҕан ыйын 7-11 күннэригэр тѳрѳппүттэргэ акция  тэрийдибит. Ол курдук детсад учаастага бѳлѳхтѳрүнэн тыырыллан байытылынна. Бэлэмнэнии бѳлѳхтѳрүн тѳрѳппүттэрэ  бэйэлэрин оҕолорун оонньуур сирдэрин «Кыыллар дойдулара» диэн тиэмэлээн оҥордулар. Манна хас биирдии тѳрѳппүт бэйэтин сатабылын-кыһамньытын кѳрдѳрдѳ. Оҥорор матырыйаал суох диэбэккэ быраҕыллыбыт кѳлѳһѳлѳртѳн, мастан, оннооҕор пластмасс бытыылкалартан кѳрүѳхтэн дьикти кэрэ кыыллары бары биир санаанан кэлэн оҥорон-кырааскалаан таһаардылар.  Улахан бѳлѳх тѳрѳппүттэрэ бэйэлэрин анаммыт учаастактарын «Смешарики» оҕолор сѳбүлээн кѳрѳр мультиктарын геройдарынан киэргэттилэр. Маны оҥорорго эмиэ аҥардас иномарка туттуллубат кѳлѳһѳлѳрүнэн таҕыстылар. Орто бѳлѳхтѳр учаастактарын «Уу аттыгар» диэн тиэмэлээн оҕо оонньуур эрэ буолбакка, билиитин эмиэ байытар сиринэн буолла. Оҕолор бу оҥоһуктары мин ийэм, а5ам оҥорбуттара диэн киэн туталлар, бэйэ-бэйэлэригэр, улахан дьоҥҥо  астынан туран сонун оҥостон кэпсииллэр.

Учаастакка оҕо таһырдьа оонньуу таарыйа кэтээн кѳрдүн диэн метереологическай зоналаах: таһырдьа температура тѳһѳ буолбутун кѳрѳр, тыал хайа диэкиттэн үрэрин бэлиэтиир, тѳһѳ халыҥ хаар түспүтүн кээмэйдиир анал линейкалаах. Детсад хоту ѳттүгэр спортивнай площадкалаах, манна инникитин проекпыт быһыытынан сүүрэр дорожка уонна футбольнай площадка оҥоһуллара былааннанар. Эһиилги сайыҥҥа оҕуруот олордор санаалаахпыт.

Бу күрэх түмүгүнэн биһиги детсад площадката улуус оскуола иннинээҕи тэрилтэлэрин ортолоругар бастакы бочуоттаах миэстэни ыллыбыт. Барҕа махталбытын тиэрдэбит учаастагы байытыыга үгүс сыраларын уурбут, акцияҕа кѳхтѳѳхтүк  кыттыбыт бука бары тѳрѳппүттэрбитигэр.

Инникитин даҕаны оҕолорбут билиилээх, сайдыылаах, үтүѳ-мааны дьон буолан улааталларыгар тѳрѳпүттэрбитин кытта ыкса сибээстээхтик улэлэһиэхпит диэн бигэ эрэллээхпит.

 

 

Мария Алексеева – иитэр-үѳрэтэр үлэҕэ сэбиэдиссэйи солбуйаачы

Мариафа Михайлова – детсад психолога.

Просмотров: 426 | Добавил: saina | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт

Поиск

Календарь
«  Сентябрь 2015  »
ПнВтСрЧтПтСбВс
 123456
78910111213
14151617181920
21222324252627
282930

Архив записей

Друзья сайта

Copyright MyCorp © 2020 Создать бесплатный сайт с uCoz